Што з'есці, каб мозг «завесці»?

Наш мозг мае вель­мі вя­лі­кую па­трэ­бу ў ві­та­мі­нах групы В. Яны за­бяспечва­юць работу нерво­вай сістэ­мы, па­ляпша­юць увагу, здольнасць канцэнт­ра­вацца, па­мяць і агульны псі­хічны стан. Дыето­ла­гі лі­чаць гэ­тыя ві­та­мі­ны не­за­менны­мі для твор­чых лю­дзей. Ві­та­мі­ны групы В можна атры­маць, ка­лі ўжы­ваць га­рох, аў­сянку, грэцкія арэ­хі, не­ачышчаны рыс, зялё­ную га­родні­ну, мя­са, ма­лочныя прадукты.

Неда­хоп ва­ды ў ар­га­нізме дрэнна ўплывае на ра­бо­ту мозга. Выправіць сі­ту­ацыю па­вінны 8 шкля­нак ва­ды на дзень. Пі­це яе ма­лень­кі­мі глыт­ка­мі, канцэнт­руйце­ся пры гэ­тым на прыем­ных ад­чу­ваннях, імк­ні­це­ся ад­чуць, што ва­да ажыў­ляе ва­ша це­ла.

Гінк­га бі­ло­ба

— па­пу­лярны сродак для ля­чэння праб­лем з па­мяццю на Усхо­дзе. Гэтая раслі­на па­ляпшае цырку­ля­цыю крыві, дзя­ку­ю­чы ча­му мозг атрымлі­вае больш кіслароду і спажыў­ных рэ­чы­ваў.

Раз­ма­рын па­ляпшае здольнасць да за­па­мі­нання. Нават пах разма­ры­ну мо­жа па­высіць праца­здольнасць.

Ста­рэнне мозга — гэ­та працэс па­ступо­ва­га па­шкоджан­ня клетак свабодны­мі ра­дыка­ла­мі. Ад іх дзей­насці па­ру­ша­ец­ца праводнасць па­між нейро­на­мі, клет­кі акісля­юцца і гінуць, істотна зні­жа­ю­чы на­шы ра­зу­мо­выя здольнасці. Вя­лі­кую ро­лю ў за­па­воль­ванні гэ­та­га працэ­су адыгрыва­юць ан­ты­ак­сі­данты, на­прык­лад, ві­та­мі­ны С і Е. Будзем шу­каць іх у са­да­ві­не і агародні­не. На ві­та­мін Е ба­га­тае авака­да, крыху менш яго ў мінда­лі, на­сенні льну і гарбу­за, зя­лё­ным лісці са­ла­та. Дыето­ла­гі ра­яць як ма­га часцей уклю­чаць у ра­цы­ён са­лат з авака­да, лісця лю­бо­га са­ла­ту, мінда­лю і на­сення льну, лыжкі кунжутна­га алею. Рэ­кард­смены па ві­та­мі­не С — клуб­ні­цы, па­рэчкі, ма­лі­ны, брока­лі, цытру­са­выя.

Важ­ныя па­мочні­кі ў ра­бо­це мозга — магній, жа­ле­за і цынк. Маг­ній па­ляпшае кровазварот (а значыць — ра­зу­мо­вую дзей­насць) і да­па­ма­гае змагацца са стрэ­са­мі. Цынк уплы­вае на канцэнт­ра­цыю ўва­гі, жа­ле­за да­па­ма­гае разві­ваць ма­тэ­ма­тычныя здольнасці. Маг­ній ёсць у авака­да, арэ­хах, цэль­ных злаках, ар­ты­шо­ках, фа­со­лі, су­ша­ных аб­ры­ко­сах, ра­зы­нках, яблы­ках, часна­ку, грэйпфру­тах, са­ча­ві­цы. Жале­за — гэ­та мя­са птуш­кі, пе­чань, злакі. Цынк — на­сенне гарбу­за, мо­рапра­дукты.

Наш мозг лю­біць тлушчы. Яны да­па­ма­га­юць падтрымаць ра­зу­мо­вую дзей­насць, паляпша­юць па­мяць і інтэ­лект. Толькі па­трэбны тлушчы не жы­вёль­ныя, а не­за­менныя по­ліне­на­сы­ча­ныя тлус­тыя кісло­ты амега-3. Узроста­вае зні­жэнне інтэ­ле­кту, рассе­я­ны склероз, хваро­ба Аль­цгей­ме­ра разві­ва­юцца на фо­не дэ­фі­цы­ту гэ­та­га рэ­чы­ва. Карысныя тлушчы змя­шчае ры­ба (се­ля­дзец, ла­сось, сардзі­ны, ту­нец, сёмга), ры­бін тлушч, льня­ны, кунжутны, арахі­са­вы алей. У дзень да­стат­ко­ва 100 г ры­бы і 1 ст. л. алею.

Узор здаро­ва­га ме­ню:

Сня­да­нак. Каша, звара­ная на ма­ла­цэ з нізкім працэнтам тлушчу.

Абед. Рыба ці мя­са, на гарнір — цёмны рыс або хлеб груба­га па­мо­лу.

Вя­чэ­ра. Ёгурт, тварог або ке­фір.

Для ап­ты­мізму

Патрэ­бен марга­нец. Дзя­ку­ю­чы яму, мы ад­чу­ва­ем ся­бе больш спакойны­мі і ўпэў­не­нымі. Ешце ка­пусту, ня­чы­шчаныя ба­бы, са­да­ві­ну і агародні­ну, бу­ра­кі, цэль­нае зерне, крупы, зя­ле­ні­ва.

Супраць стрэ­су

Ужы­вайце горкі ша­ка­лад, міндаль, яга­ды або мя­са. Усё гэ­та па­вы­шае трыва­ласць, зні­мае на­пружанне і да­дае «гармо­ну шчас­ця».

Святлана Барысенка.