На красавік сёлета, згодна з календарамі каталіцкай і праваслаўнай канфесій, выпадае некалькі рэлігійных свят. Прычым Уваход Гасподні ў Іерусалім (Пальмавая нядзеля, Вербная нядзеля) і Вялікдзень прыпадаюць у абедзвюх канфесій на адзін дзень — адпаведна, 13 і 20 красавіка. Гэта значыць, што людзі будуць ісці і ў цэрквы, і ў касцёлы. А 29 красавіка ў праваслаўных Радуніца.
Ва ўсе гэтыя дні ў ахове грамадскага парадку плануецца задзейнічаць сілы і сродкі ГУУС Мінгарвыканкама, УУС аблвыканкамаў, унутраных войск і ўстаноў адукацыі МУС. Асабовы склад будзе пераведзены на ўзмоцнены варыянт нясення службы.
З улікам павелічэння пасажырапатоку ў выхадныя і святочныя дні будзе ўзмоцнена ахова правапарадку на аб'ектах транспарту. Супрацоўнікі Дзяржаўтаінспекцыі распрацоўваюць маршруты аб'езду месцаў правядзення мерапрыемстваў і ва ўзаемадзеянні з камунальнымі службамі прымаюць меры па забеспячэнні камфортных умоў паркоўкі транспартных сродкаў.
Месцы правядзення мерапрыемстваў загадзя агледзяць спецыялісты сапёрна-піратэхнічных груп. Праход туды будзе весціся праз кантрольна-прапускныя пункты з выкарыстаннем стацыянарных і ручных металадэтэктараў.
Сяргей РАСОЛЬКА.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.