Прэм'ер-міністр Беларусі Міхаіл Мясніковіч па даручэнні кіраўніка дзяржавы ўручыў дзяржаўныя ўзнагароды заслужаным людзям Беларусі.
«Сімвалічна, што гэтая ўрачыстая падзея праходзіць напярэдадні галоўнага дзяржаўнага свята — Дня Незалежнасці, 70‑годдзя вызвалення нашай краіны ад нямецка-фашысцкіх захопнікаў, — сказаў Міхаіл Мясніковіч. — Добрасумленная самаадданая праца на працягу ўсёй гісторыі нашай краіны была і заўсёды будзе крыніцай дабрабыту беларускага народа, а значыць — асновай незалежнасці нашай Айчыны».
У спісе ўзнагароджаных — каля 100 чалавек. Гэта работнікі прамысловага комплексу, аховы здароўя, мытных органаў, адукацыі, навукі і культуры. Яны ўдастоены ўзнагарод за шматгадовую плённую працу, узорнае выкананне службовых абавязкаў, дасягненне высокіх паказчыкаў у прамысловасці, будаўніцтве і навуковай дзейнасці, удасканаленне энергетычнай сістэмы і рэалізацыю дзяржаўнай інфармацыйнай палітыкі, вялікі асабісты ўклад у развіццё аховы здароўя, транспартных паслуг, адукацыю, культуру, мастацтва, фізічную культуру і спорт. «Сёння, каб перамагчы, ужо мала быць лепшым у сваёй справе, — адзначыў кіраўнік урада. — Неабходна пастаянна ўдасканальвацца, укараняць новае, ісці на апраўданую рызыку. І ўрад будзе падтрымліваць вашы ініцыятывы. Ужо сёлета мы плануем укараніць новыя падыходы да аплаты працы як у рэальным сектары эканомікі, так і ў сферы паслуг, навуцы, культуры, адукацыі». Міхаіл Мясніковіч удакладніў: «Той, хто выконвае абавязацельствы, зніжае выдаткі і нарошчвае прадукцыйнасць працы, будзе атрымліваць шмат. Ураўнілаўкі ў аплаце працы дапускаць нельга».
Паводле БЕЛТА.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
Ідэнтычнасць праз спадчыну.