На іх тварах — шырокія ўсмешкі, радасць вялікага свята. Мы запомнім іх такімі: мужнымі, бадзёрымі, шчаслівымі людзьмі, з мноствам ордэнаў і медалёў на грудзях. Мінскі гарадскі Савет дэпутатаў і Мінгарвыканкам арганізавалі здымку на памяць, дзякуючы якой у альбоме гісторыі краіны назаўсёды захаваюцца твары тых, хто прайшоў праз страшнае пекла, каб падарыць нам чыстае мірнае неба.
Старшыня Мінскага гарадскога Савета дэпутатаў Васіль Панасюк адзначыў, што клопат пра ветэранаў Вялікай Айчыннай вайны знаходзіцца ў зоне асаблівай увагі дэпутацкага корпуса сталіцы. Старшыня таксама паведаміў, што шмат мерапрыемстваў арыентавана менавіта на тое, каб кожны з ветэранаў адчуваў гэты клопат, быў акружаны ўвагай, атрымліваў неабходную дапамогу ад дзяржавы.
— Сярэдні ўзрост ветэранаў — 90 гадоў, але многія з іх прымаюць актыўны ўдзел у мерапрыемствах, што праводзяцца ў горадзе, — расказвае Васіль Панасюк. — Яны ўважліва ставяцца да знешняга выгляду горада, стану вуліц і двароў. Іх жыццёвы вопыт вельмі важны для нас.
Самых актыўных грамадскіх дзеячаў сярод ветэранаў і ўдзельнікаў Вялікай Айчыннай вайны Мінгарсавет дэпутатаў узнагародзіў ганаровымі граматамі.
Акрамя таго, на пляцоўцы каля Беларускага дзяржаўнага музычнага тэатра разгарнулася прадстаўленне ад студэнтаў Універсітэта культуры з танцамі, ваеннымі жартамі і песнямі, якія клікалі ў бой, весялілі салдат на фронце, сумавалі разам з жанчынамі падчас чакання з вайны сваіх герояў з перамогай.
Любоў Бяляева,
Фота аўтара.
Сумесныя праекты ядзерных тэхналогій.
У парадку дня — зацвярджэнне Канцэпцыі нацбяспекі і Ваеннай дактрыны.