З першых дзён ліпеня ўжо другі раз за лета памяншаюцца ў Беларусбанку працэнтныя стаўкі па новых тэрміновых банкаўскіх укладах (дэпазітах) фізічных асоб у беларускіх рублях.
Цяпер дэпазіт «Прыярытэт» прапануецца кліентам пад 31,5% гадавых, «Гарантаваны даход» тэрмінам на 15 дзён — пад 18% гадавых, а тэрмінам на 35 дзён — пад 27,5% гадавых.
Асноўны даход банкаўскага ўкладу «Інтэрнэт-дэпазіт-Прэзент» вызначаны ў памеры 31,5% гадавых, а асноўныя працэнты дэпазіта «Чатыры сезоны» — у памеры 32% гадавых. Самы вялікі асноўны даход у памеры 34,5% гадавых прапануецца па ўкладах «Інтэрнэт-дэпазіт». Новыя ашчадныя сертыфікаты з тэрмінам абарачэння 1 месяц афармляюцца ў ліпені пад 28,5% гадавых, на 2 месяцы — пад 29,5% гадавых. Такім чынам, працэнтныя стаўкі па дэпазітах у буйнейшым банку краіны паменшыліся яшчэ прыкладна на 1–2%.
Сяргей КУРКАЧ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».