Вы тут

Чарнічную каралеву выберуць на Полаччыне


У Полацкім раёне пройдзе ўнікальны ягадны чэмпіянат. Каля 120 каманд (па чатыры чалавекі ў кожнай) будуць збіраць чарніцы і атрымаюць за гэта незвычайныя тытулы.

Гэтую смачную і вельмі карысную для здароўя ягаду «ціхія паляўнічыя» будуць шукаць у лясах на тэрыторыі шасці сельсаветаў.

— Чэмпіянат будзе праводзіцца 19 ліпеня. Ён стаў традыцыйным — сёлета пройдзе ў чацвёрты раз. Падчас мерапрыемства выберуць чарнічных караля і каралеву, — паведамілі «Звяздзе» ў Полацкім райвыканкаме.

Што цікава, жанчыны, члены каманд, возьмуць удзел і ў конкурсе «Ягадка зноў!». Яны з'явяцца перад журы ў «ягадных строях» і раскажуць пра арганізацыю, дзе працуюць, акцэнтуючы ўвагу на тым, як там арганізаваны для працаўнікоў вольны час.

У Полацку будзе арганізаваны тэматычны кірмаш. Сярод іншых тэматычных «пляцовак» — «Чарніца лячэбная».

Аляксандр ПУКШАНСКІ.

Выбар рэдакцыі

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Памяць

Партызанскі ўнёсак у «Баграціён»

Партызанскі ўнёсак у «Баграціён»

Беларуская наступальная аперацыя пачалася 23 чэрвеня 1944 года.