З 1 жніўня бюджэт пражытковага мінімуму ў сярэднім на душу насельніцтва павялічыцца на 10,9% і складзе 1 343 420 рублёў за месяц. Перыяд дзеяння гэтага сацыяльнага нарматыву — з 1 жніўня па 31 кастрычніка 2014 года.
Бюджэт пражытковага мінімуму, як ужо зразумела з назвы — гэта нарматыў, які вызначае, які мінімум грошай неабходны чалавеку, каб выжыць. Гэтая сума з'яўляецца ніжняй мяжой аплаты працы работнікаў. З яе таксама разлічваецца памер сацыяльных гарантый: дапамог, працоўных мінімальных і сацыяльных пенсій і надбавак да іх.
Такім чынам, БПМ на аднаго чалавека складзе:
• для працаздольнага насельніцтва — 1 505 230 рублёў;
• для пенсіянераў — 1 143 760 рублёў;
• для дзяцей ва ўзросце да 3 гадоў — 1 097 000 рублёў;
• для дзяцей ва ўзросце ад 3 да 6 гадоў — 1 647 110 рублёў;
• для дзяцей ва ўзросце ад 6 да 18 гадоў — 1 458 230 рублёў;
• для студэнтаў — 1 357 330 рублёў.
Больш за ўсё БПМ павялічыцца для дзяцей ад трох да шасці гадоў — на 318 350 рублёў. Гэта звязана з тым, што з 1 красавіка бацькі павінны аплачваць поўны кошт харчавання ў дзіцячых садках.
З павышэннем БПМ таксама ўзрастуць памеры аднаразовай дапамогі пры нараджэнні дзіцяці і некаторых відаў дзяржаўных дапамог сем'ям, якія выхоўваюць дзяцей.
Акрамя таго, павялічыцца памер аднаразовай дапамогі шматдзетным сем'ям да навучальнага года, які залежыць ад памеру БПМ.
Святлана БУСЬКО.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».