Міжнародны чэмпіянат па хуткаснай зборцы кубіка Рубіка «Cubіng fest 2014» пройдзе 23—24 жніўня на базе Мінскага дзяржаўнага палаца дзяцей і моладзі.
Заяўкі на ўдзел у чэмпіянаце падалі каля 150 спідкубераў з Беларусі, Расіі, Украіны і Польшчы. Акрамя традыцыйнай зборкі кубіка Рубіка, удзельнікі будуць спаборнічаць таксама ў 17 іншых дысцыплінах, у тым ліку ў зборцы кубіка Рубіка нагамі, адной рукой і ўсляпую, а таксама ў стварэнні мазаік. Ім будуць прадастаўлены 480 кубікаў Рубіка, з якіх каманда павінна будзе скласці карціну.
У якасці суддзі чэмпіянату выступіць Ілья Цярэшка — спідкубер з Брэста, кандыдат у дэлегаты Сусветнай асацыяцыі кубіка (WCA — World Cube Assocіatіon ), надзелены правамі судзейства. Усе рэкорды, устаноўленыя ўдзельнікамі спаборніцтваў, будуць зафіксаваны ў сусветнай базе асацыяцыі. Нагадаем, што дзеючы сусветны рэкорд у дысцыпліне Rubіk' s Cube Sіngle належыць Мэтсу Уолку з Нідэрландаў — 5,55 секунды.
Надзея НІКАЛАЕВА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».