У бліжэйшы час у Еўропе могуць узнікнуць праблемы з авіязносінамі — і гэта ніяк не звязана з пагрозамі Масквы перакрыць авіякампаніям магчымасць пралёту над РФ. Калапс можа ўзнікнуць з‑за вулкана ў Ісландыі.
З 3‑й гадзіны раніцы суботы, 16 жніўня, ісландская метэаралагічная служба зафіксавала каля 2800 землятрусаў у раёне вулкана Бардарбунга, размешчанага на поўдні краіны. 950 з іх прыйшліся на панядзелак, 18 жніўня, пачынаючы з апоўначы па мясцовым часе. Навукоўцы паднялі ўзровень небяспекі вывяржэння да перадапошняга, «аранжавага». Улады перакрылі некалькі аўтадарог у раёне вулкана і разаслалі папярэджанні аб магчымым вывяржэнні ў мясцовыя авіякампаніі. Наймацнейшы штуршок быў зафіксаваны 18 жніўня: аналіз паказаў, што яго магнітуда склала 4,5 бала.
Нагадаем, у 2010 годзе вывяржэнне вулкана пад ісландскім ледніком Эяф'ядлаёкюдль на шмат дзён паралізавала авіязносіны ў небе над большай часткай Еўропы і прынесла каласальныя страты для авіякампаній.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».