Паводле інфармацыі Нацыянальнага статыстычнага камітэта, валавы ўнутраны прадукт Беларусі сёлета за студзень—ліпень узрос на 1,6% у параўнанні з аналагічным перыядам летась. У грашовым вымярэнні гэты паказчык дасягнуў лічбы 413 трлн 887 млрд рублёў.
Спецыялісты адзначаюць, што прадукцыйнасць працы па ВУП (без мікраарганізацый і малых арганізацый без ведамаснай падпарадкаванасці) склала 75,9 млн рублёў, што на 2,7% больш у параўнанні з сямю месяцамі летась.
Такім чынам, прамысловай прадукцыі ў студзені—ліпені выраблена на 383 трлн 65 млрд рублёў, у тым ліку за ліпень на 56 трлн 861,7 млрд рублёў. Запаволенне тэмпаў зніжэння прамвытворчасці працягваецца.
А вось у сельскай гаспадарцы, будаўніцтве жылля і сістэме аптовага гандлю назіраюцца нават плюсы. Сельскагаспадарчай прадукцыі (у гаспадарках усіх катэгорый) у студзені—ліпені выраблена на 58 трлн 115,4 млрд рублёў, што дае прырост да аналагічнага перыяду летась на ўзроўні 7,8%. Удзельная вага інавацыйнай прадукцыі ў агульным аб'ёме адгружанай склала 15%. Інвестыцыі ў асноўны капітал дасягнулі 111 трлн 676,9 млрд рублёў.
За сем месяцаў уведзена ў эксплуатацыю жылля за кошт усіх крыніц фінансавання 2 млн 973,4 тыс. квадратных метраў, або на 7,6% больш за такі перыяд летась. Павялічыўся за сем месяцаў і аптовы тавараабарот на 11,2% да 315 трлн 429,3 млрд рублёў, рознічны — на 10,3% да 169 трлн 970,5 млрд рублёў.
Сяргей КУРКАЧ
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».