Найбуйнейшы банк Беларусі з 29 жніўня на месяц вызначае заахвочвальны працэнтны даход па шэрагу тэрміновых банкаўскіх укладаў у беларускіх рублях, паведамілі рэдакцыі ў прэс-службе Беларусбанка.
Такім чынам, налічэнне такога заахвочвальнага даходу ажыццяўляецца па ўкладзе «Ашчадны» ў памеры 7,5% гадавых, «Ваш выбар» — 6,5% гадавых, «Прэміяльны-назапашвальны «Дзіцячы» — 6% гадавых, «Класік плюс» — 4,2% гадавых, па дэпазіце «Назапашвальны» — у памеры 5% гадавых.
Налічэнне заахвочвальнага даходу ажыццяўляецца на штодзённыя фактычныя астаткі названых відаў укладаў за перыяд з 29 жніўня ці дня адкрыцця ўкладу (дэпазіту) пасля названай даты па 29 верасня (уключна).
Акрамя таго, менавіта з 29 жніўня Беларусбанк устанаўлівае працэнтную стаўку па новых тэрміновых укладах «Назапашвальны» ў памеры 25% гадавых.
Сяргей КУРКАЧ.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.