Вы тут

Першае месца ўзялі шчырасцю


Званне лепшай пярвічнай арганізацыі ў краіне сярод актывістаў БРСМ сёлета заваявалі маладыя людзі з Віцебскай дзяржаўнай акадэміі ветэрынарнай медыцыны. Фінальныя спаборніцтвы праходзілі ў Жлобіне, на тэрыторыі Беларускага металургічнага завода.

Сем камандаў з усіх абласцей і Мінска змагаліся за перамогу. Брэстчыну прадстаўляла ААТ «Птушкафабрыка «Дружба», Гродзенскую вобласць — каманда прафесійна-тэхнічнага каледжа бытавога абслугоўвання насельніцтва. Ад Гомельшчыны былі навучэнцы сярэдняй школы №2 з Рагачова, гонар Міншчыны адстойвалі вайскоўцы в/ч 06752 50-й авіяцыйнай базы, а Магілёўшчыны — каманда гімназіі №1 з Горак. Навучэнцы сталічнага каледжа прадпрымальніцтва прадстаўлялі Мінск.

11-14

Беларускі металургічны завод у якасці пляцоўкі для спаборніцтваў выбралі невыпадкова, бо менавіта маладыя жлобінскія металургі былі лепшымі летась. Сёлета БРСМаўцам розных узростаў прыйшлося абараняць свае праекты, а таксама ўдзельнічаць у конкурсах «Візітная картка» і «Я — лідар!». Апошні конкурс і стаў лёсавызначальным для ветэрынараў з Віцебска. Апошнія тры з паловай гады іх пярвічную арганізацыю ўзначальвае малады вучоны, аспірант кафедры клінічнай дыягностыкі Віцебскай дзяржаўнай акадэміі ветэрынарнай медыцыны Арцём Ігнаценка. Ён кажа, што і журы, і аўдыторыю яны пакарылі, хутчэй за ўсё, шчырасцю:

— Самым складаным быў конкурс «Я — лідар!». У нас атрымалася перамагчы ўсіх і прымусіць залу практычна рыдаць. Усе жанчыны расчуліліся і плакалі падчас майго выступлення. Я сам родам з Рагачова, а гэта зусім побач са Жлобінам. Мае бацькі прыехалі на гэтыя спаборніцтвы, каб падтрымаць мяне і каманду. Я паклікаў іх на сцэну, а далей атрымалася імправізацыя, якая ўсім спадабалася. Я гаварыў пра сваіх бацькоў — як многа яны мне далі ў жыцці. Акрамя таго, у складзе нашай каманды была наша аматарская студыя эстраднай песні «Канстанта» і танцавальны калектыў, таму разам атрымлівалася заводзіць залу.

Дарэчы, культмасавая работа — далёка не ўсё, чым вылучаюцца будучыя ветэрынары з Віцебска. Хаця і тут ёсць чым пахваліцца. Сёння пярвічная арганізацыя БРСМ Віцебскай ветэрынарнай акадэміі — арганізатар міжнароднага фестывалю сучаснага танца «Зрабі крок наперад!» сярод студэнтаў, які штогод збірае больш за 350 удзельнікаў з розных краін свету.

Да таго ж маладыя людзі актыўна ўдзельнічаюць у розных міжнародных агульнаадукацыйных і навуковых форумах. Тут лепшы добраахвотны атрад краіны, члены якога заўсёды гатовыя прыйсці на дапамогу. На працягу трох апошніх гадоў пярвічная арганізацыя акадэміі — адзін з лепшых штабаў працоўных спраў у Віцебску і вобласці. Штогод тут фарміруецца каля 40 атрадаў, у якіх працуюць больш за 1100 маладых людзей. Увогуле ж у пярвічнай арганізацыі БРСМ ветакадэміі — 1183 студэнты.

Амбіцыйны і мэтанакіраваны сакратар «пярвічкі» Віцебскай ветэрынарнай акадэміі Арцём Ігнаценка сцвярджае, што актыўная грамадская работа не перашкаджае яго навуковай дзейнасці:

— Наадварот, адно другому дапамагае. Хаця часу ў сутках не хапае. Тады нешта з сябрамі і па начах робім. З першых дзён вырашыў, што мы павінны ісці да найвышэйшай узнагароды БРСМ — ганаровай граматы і залатога значка. Гэта, спадзяюся, у нас наперадзе.

11-13

Каштоўныя прызы ў якасці ўзнагарод таксама парадавалі ўдзельнікаў рэспубліканскага фестывалю. За першае месца — планшэт ASUS Nexus 7. За другое і трэцяе месцы — планшэт ASUS Fonepad. Іх атрымалі пярвічныя арганізацыі БРСМ гімназіі №1 з Горак і Мін-
скага каледжа прадпрымальніцтва.

Сакратар ЦК БРСМ Дзмітрый Варанюк адзначыў, што праект накіраваны на ўмацаванне галоўнага звяна Саюза моладзі — пярвічнай арганізацыі, якая з'яўляецца асновай БРСМ.

Ірына АСТАШКЕВІЧ.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».