Вы тут

Спрабавалі адбіць аматара марыхуаны


За аматара марыхуаны перад міліцыянерамі спрабавалі заступіцца яго нецвярозыя сябры. У выніку два з іх таксама былі затрыманы за непадпарадкаванне патрабаванням супрацоўнікам праваахоўных органаў.

Гэта гісторыя пачалася на станцыі метро «Пушкінская», дзе супрацоўнікі УУС па ахове Мінскага метрапалітэна па падазрэнні ў незаконным абарачэнні наркотыкаў затрымалі двух маладых людзей 24-ці і 25-ці гадоў. У пакоі міліцыі ў аднаго з іх пры аглядзе ў кішэні курткі знайшлі скрутачак з рэчывам расліннага паходжання. Як патлумачыў сам затрыманы, гэта была марыхуана. Не адмаўляў хлопец, што наркотык належыць менавіта яму. Маўляў, раней ён часта ўжываў спайс, але пасля таго, як атруціўся курыльнай сумессю і лячыўся ў псіхіятрычным дыспансеры, перайшоў на марыхуану.

Пакуль у пакоі міліцыі праводзіўся разбор, на дапамогу затрыманым падаспелі іх сябры. Яны ўрываліся ў службовае памяшканне, спрабавалі ўчыніць бойку. На неаднаразовыя заклікі супрацоўнікаў міліцыі і службы бяспекі не ўмешвацца і пакінуць станцыю не рэагавалі. У выніку двух самых актыўных парушальнікаў затрымалі. Адзін з дэбашыраў — 33-гадовы мінчанін — раней ужо быў неаднаразова судзімы за ўчыненне маёмасных злачынстваў. Дзеянням усіх правапарушальнікаў даецца прававая ацэнка.

 

Выбар рэдакцыі

Тэатр

Барыс Цяцёркін: Я аднолькава ўлюбёны і ў тэатр, і ў кіно

Барыс Цяцёркін: Я аднолькава ўлюбёны і ў тэатр, і ў кіно

Артыст Купалаўскага тэатра —  пра дзяцінства, шлях да сцэны і вывучэнне беларускай мовы.

Грамадства

Праўда і міфы аб паўфабрыкатах

Праўда і міфы аб паўфабрыкатах

У Год якасці мы задалі навукоўцам нязручныя пытанні аб тым, што «ўнутры» магазіннай пельмешкі або катлеткі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Блізнятаў надыходзіць тыдзень сур’ёзных змен у асабістым жыцці.

Адукацыя

Беларуская мадэль дашкольнай адукацыі: якасць, даступнасць, адказнасць

Беларуская мадэль дашкольнай адукацыі: якасць, даступнасць, адказнасць

У нашай краіне амаль 90 працэнтаў дзяцей ад года да шасці атрымліваюць дашкольную адукацыю.