Следчы камітэт паведаміў падрабязнасці нашумелага нападу на абменнік у мінскім гандлёвым цэнтры «Шчасце». Падазраваным з'яўляецца мужчына 1991 года нараджэння, жыхар Мастоўскага раёна.
Зараз ён знаходзіцца ў адной са сталічных бальніц. Каля яго палаты выстаўлены пост аховы. Тым часам следчыя працягваюць даследаваць усе абставіны інцыдэнту: дапытваюць сведкаў, вывучаюць запісы з камер відэаназірання. У падазраванага адабраны прадмет, падобны на пісталет сістэмы Макарава, па якім таксама прызначылі экспертызу агнястрэльнай зброі.
Нагадаем, што ў сераду мужчына пракраўся ў абменны пункт і некалькі гадзін пагражаў забойствам дзяўчыне-касіру, каб праваахоўныя органы дазволілі яму бесперашкодна выйсці са скрадзенымі грашыма. Аднак у выніку спецаперацыі «Алмаза» нападніка здолелі абясшкодзіць. Жыццю дзяўчыны нічога не пагражае.
Тарас ШЧЫРЫ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.