Аб гэтым заявіў Прэзідэнт краіны Аляксандр Лукашэнка на сустрэчы з губернатарам Свярдлоўскай вобласці Яўгенам Куйвашавым.
«Толькі ў тым выпадку, калі мы будзем процістаяць усялякім пагрозам разам, мы здольны выстаяць і выжыць, — сказаў кіраўнік дзяржавы. — Сведчаннем таго з'яўляюцца падзеі ў нашай суседняй краіне. Хто мог бы падумаць, што такое наогул можа быць?» «Я думаю, мы былі і будзем разам», — падкрэсліў Аляксандр Лукашэнка. Ён адзначыў, што асновай беларуска-расійскіх адносін з'яўляецца эканоміка. «Калі мы будзем нармальна рухацца наперад у гандлёва-эканамічнай сферы, то ніякія буры і ўраганы нам не страшныя», — упэўнены Прэзідэнт.
У гэтай сувязі, адзначыў Прэзідэнт, наша краіна гатова пашыраць вытворчую кааперацыю са Свярдлоўскай вобласцю. «Гэта добрае месца для стварэння базы вытворчай кааперацыі з беларускімі прадпрыемствамі і пляцоўка для прасоўвання сумеснай прадукцыі на Урал, у Сібір і Далёкі Усход», — сказаў кіраўнік дзяржавы.
Прэзідэнт падкрэсліў важнасць супрацоўніцтва з расійскімі рэгіёнамі, якое, на яго думку, з'яўляецца фундаментам адносін з Расіяй. Ён нагадаў, што былі складаныя часы ў беларуска-расійскім супрацоўніцтве, і тады адносіны выратавала менавіта супрацоўніцтва з рэгіёнамі.
Вітаючы дэлегацыю Свярдлоўскай вобласці, Аляксандр Лукашэнка падкрэсліў: «Гэта эканамічна развітая тэрыторыя Расіі з высокім узроўнем дзелавой, культурнай і грамадскай актыўнасці. Ваша вобласць па праве з'яўляецца надзейным і перспектыўным партнёрам Беларусі».
Па выніках мінулага года тавараабарот паміж Беларуссю і Свярдлоўскай вобласцю перасягнуў паўмільярда долараў. Кіраўнік дзяржавы заўважыў, што адбылося некаторае яго зніжэнне, што не з'яўляецца нармальным. Прэзідэнт таксама выказаў перакананне, што вынікам цяперашняга візіту дэлегацыі Свярдлоўскай вобласці будзе, як мінімум, аднаўленне ранейшага тавараабароту. Аляксандр Лукашэнка падкрэсліў, што Беларусь гатова шырока ўзаемадзейнічаць са Свярдлоўскай вобласцю па ўсіх напрамках, у прыватнасці, пастаўляць сельскагаспадарчую, аўтамабільную, дарожна-будаўнічую, камунальную тэхніку, якая добра знаёмая ўральцам.
Аляксандр Лукашэнка нагадаў, што на міжнароднай прамысловай выстаўцы «Інапрам», якая штогод праводзіцца ў Екацярынбургу, Беларусь тры гады запар паспяхова дэманструе прадукцыю вядучых машынабудаўнічых прадпрыемстваў, дасягненні ў галіне навукі, прамысловасці, інавацый. Беларусь таксама гатова падзяліцца вопытам перапрацоўкі сельгаспрадукцыі і пастаўляць прадукты харчавання, ствараць сумесныя прадпрыемствы.
Кіраўнік дзяржавы таксама выказаў упэўненасць, што ў выніку гэтага візіту «мы выйдзем на канкрэтныя дамоўленасці, якія забяспечаць пашырэнне ўсебаковых сувязяў Беларусі і Свярдлоўскай вобласці».
Яўген Куйвашаў у сваю чаргу адзначыў, што Свярдлоўская вобласць разлічвае на больш актыўнае ўзаемадзеянне з Беларуссю па ўсіх напрамках. Губернатар падкрэсліў, што адным з прыярытэтаў міжрэгіянальнага супрацоўніцтва Свярдлоўскай вобласці з'яўляюцца кантакты з краінамі СНД. «І хоць Беларусь аддзяляюць ад нас тысячы кіламетраў, нас аб'ядноўвае імкненне жыць і працаваць разам», — сказаў губернатар.
Пачынаючы з 2001 года, Беларусь і Свярдлоўская вобласць штогод звяраюць гадзіннікі супрацоўніцтва, падпісваючы кароткатэрміновыя планы сумесных дзеянняў. На маючым адбыцца 14 кастрычніка пасяджэнні Савета дзелавога супрацоўніцтва паміж Беларуссю і Свярдлоўскай вобласцю будзе разгледжаны бягучы стан спраў, а таксама намечаны дзеянні на перспектыву. Губернатар адзначыў, што 94 чалавекі ў складзе свярдлоўскай дэлегацыі прадстаўляюць розныя сферы, а значыць і дасягнутыя дамоўленасці будуць датычыцца не толькі эканомікі, але і іншых галін.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.