24 кастрычніка ў Смаргоні адбудуцца ўжо традыцыйная, пятая рэгіянальная выстава-кірмаш «Паўночны вектар Гродзеншчыны‑2014» і міжнародны эканамічны форум «Новыя магчымасці і перспектывы супрацоўніцтва».
Паўночны рэгіён Гродзеншчыны ўключае ў сябе тры раёны — Ашмянскі, Астравецкі і Смаргонскі агульнай плошчай 4,3 тысячы квадратных кіламетраў, дзе пражывае больш за 115 тысяч чалавек. Сумесная выстава дапамагае суседзям паглыбляць і развіваць міжрэгіянальныя кантакты — найперш у сферы прамысловасці і прадпрымальніцтва (з дэманстрацыяй і продажам новых відаў прадукцыі), а таксама культурныя, гуманітарныя.
Сёлетняя выстава збярэ ў Смаргоні больш за 60 арганізацый трох раёнаў, у тым ліку з замежным капіталам, прадстаўнікоў малога і сярэдняга бізнесу. Запрошаны дыпламаты, прадстаўнікі міністэрстваў і ведамстваў, абласных і раённых улад. Будуць прадстаўлены прапановы па наладжванні і развіцці гандлёва-эканамічных сувязяў, нарошчванні беларускага экспарту, а таксама канкрэтныя праекты з перспектывай прыцягнення замежных інвестыцый. Гэтыя пытанні абмяркуюць удзельнікі міжнароднага эканамічнага форуму. Акрамя таго, будуць прэзентаваны турыстычныя паслугі, падрыхтаваны цікавыя культурныя імпрэзы.
Для ўдзелу ў выставе-кірмашы ў якасці экспанента неабходна зарэгістравацца на сайце Гродзенскага аддзялення Беларускай гандлёва-прамысловай палаты, а для ўдзелу ў інвестыцыйным форуме — накіраваць заяўку ў вольнай форме па электроннай пошце на адрас: economsmorgon@maіl.ru.
Барыс ПРАКОПЧЫК
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.