Акцыянернае таварыства «Віцязь» распрацавала вопытны ўзор перспектыўнай мадэлі тэлевізара «Віцязь 32LCD861 — 7DC Smart», у якім увасоблена тэндэнцыя на інтэграцыю лічбавага тэлебачання і інтэрнэту.
Новая мадэль разам з функцыямі падтрымкі аналагавага і лічбавага тэлебачання абсталявана «разумнымі» тэхналогіямі, якія сціраюць звыклую грань паміж тэлепрыёмнікам і камп'ютарам. Выраб будзе працаваць на аперацыйнай сістэме Androіd. У базавай версіі выкарыстоўваецца аднаядзерны працэсар AMLogіc, аператыўная памяць 1 Гб, флэш-памяць 4 Гб з магчымасцю пашырэння праз USB да 64 Гб. З тэлевізарам можа прымяняцца шмат розных перыферыйных прылад (любая мадэль вэб-камеры і да т.п.), прадугледжана магчымасць работы ў інтэрнэце з дапамогай тэхналогіі бесправаднога доступу Wі-Fі або 3G-мадэма.
Спецыяльна для «разумнага» тэлевізара распрацаваны пульт кіравання з двума працоўнымі бакамі: на адной панэлі размешчана кіраванне ТБ-прыёмнікам і пераключэнне ў рэжым курсора, на другой — стандартная клавіятура камп'ютара ў мініяцюрным выкананні. Новая мадэль тэлевізара павінна з'явіцца ў гандлі ў 2015 годзе.
Канстанцін Люткевіч.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!