У апошні час вельмі шмат размоў пра арэнднае жыллё. Чуў, у прыватнасці, што тым, хто пражывае ў ім, давядзецца больш плаціць за электрычнасць, за камунальныя паслугі... А вось якія дамы адносяцца да так званых арэндных, а якія не, — інфармацыі мала. Узяць хоць бы мяне: жыву ў бацькоўскім доме, тут жа нарадзіўся і вырас, аднак пасля смерці гаспадароў дом на сябе не афармляў. Дык ці не стане і ён арэндным? Патлумачце.
Фёдар МІКІЦЮК, Жыткавіцкі раён.
У адпаведнасці з заканадаўствам, да жылых памяшканняў, якія ў лісце называюцца арэнднымі, адносяцца толькі што пабудаваныя альбо пераведзеныя (у прыватнасці, са службовых) жылыя памяшканні камерцыйнага выкарыстання дзяржаўнага жыллёвага фонду.
Перавод заселеных жылых памяшканняў (індывідуальных жылых дамоў і кватэр у шматкватэрных дамах) прыватнага жыллёвага фонду грамадзян у склад жылых памяшканняў камерцыйнага выкарыстання дзяржаўнага жыллёвага фонду заканадаўчымі актамі не прадугледжаны.
Што датычыцца афармлення права ўласнасці на індывідуальны жылы дом, які перайшоў у валоданне і карыстанне па спадчыне пасля смерці бацькоў, то яно афармляецца ва ўстаноўленым парадку.
Віктар САВІЦКІ.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».