Вы тут

Далёка і блізка


Касцюміраваная сярэднявечная дзея пад назвай «Фестываль Эскаляд» з тэатральным штурмам крэпасці чакае аматараў гістарычных авантур з 6 снежня ў Жэневе. І справа не столькі ў тым, што дзея гэта адбываецца ў гонар перамогі над войскамі герцага Савойскага, якога ўжо чатыры стагоддзі няма, колькі ў тым, што «эскаляд» (або «эскалядэр») — гэта штурм пры дапамозе лесвіц. Вось адкуль узяўся эскалатар.

SONY DSC

Да 20 снежня ў Санкт-Пецярбургу — Зімовы рэстаранны фестываль. Ці то ў меню, ці то ў праграме: савецкі навагодні стол, калядная індычка, равіёлі з пельменямі і панкейкі з аладкамі (адчуваеце розніцу?), а таксама парад зімовых гарбат. Пра глінтвейны не паведамляецца.

У доме, што быў 38-м на вуліцы, якая звалася Праабражэнскай, з 1863 года існавала карэтная фабрыка Лейбмана і майстэрня пры ёй. Гэты Лейбман увёў у Мінску новую паслугу: замену жалезных колаў на гумавыя. Ці шмат было тых, што жадалі змяніць «абутак», невядома, але на транспартныя сродкі таго часу зірнуць можна хоць сёння: у Верхнім горадзе адкрыўся музей карэт. Прыходзьце на вуліцу Кірылы і Мяфодзія, 8 — з серады па нядзелю ад 11-й да 19-й.

Хто мог думаць, што міжнародны тэатральны фестываль — падзея апетытная? Дзясяты «Сезон Станіслаўскага» пачынаўся ў кастрычніку «Ванільнай марай». Чым ён будзе заканчвацца ў снежні? Там, на месцы, і праверыце, калі патрапіце ў Маскву да 18-га.

27-31

Самае прывабнае ў халодную пару памяшканне Дома Ваньковічаў на Інтэрнацыянальнай, 33а, у нашай сталіцы — гэта кухня. І самавар, здаецца, яшчэ гарачы, і ў гаршчочку стыне верашчака. Але калі ўжо апынуліся ў кухні, то варта і па астатніх пакоях прайсціся, ці не так? Сярод экспанатаў тут шмат што ўражвае, але сутнасць не ў тым. Проста гэты дом менавіта ў перадзім'е робіцца нейкім асабліва ўтульным. Дык чаму б не падарыць сабе хвілінкі ціхай радасці напярэдадні калядных клопатаў? Дзверы тут адчыняюцца лёгка з 10 раніцы да 6 вечара ў любы дзень, акрамя нядзелі і панядзелка, а ў «пярэдняй» заўсёды чакаюць, каб дапамагчы ўладкаваць паліто.

З снежня, у сераду, Тэатр юнага гледача запрашае на «Аднакласнікаў» — спектакль пра здраду і шчасце скрозь слёзы і смех, з загадкавай незнаёмкай і «трупам» (спакойна: двукоссе!). Добрая альтэрнатыва тым «Аднакласнікам», што паспелі ўжо надакучыць.

27-30

 

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.