Міністэрства аховы здароўя дазволіла аптэкам адпускаць лекі без рэцэпта ўрача, калі безрэцэптурны водпуск прадугледжаны інструкцыяй па прымяненні.
У афіцыйным тлумачэнні, размешчаным на сайце ведамства, паведамляецца, што лекавыя сродкі, зарэгістраваныя ў Дзяржаўным рэестры лекавых сродкаў Беларусі з парадкам водпуску «без рэцэпта», да ўнясення змяненняў у пералік лекавых сродкаў, што рэалізуюцца без рэцэпта ўрача, падлягаюць водпуску з аптэк без рэцэпта (незалежна ад іх уключэння ў згаданы пералік). Інфармацыя аб парадку водпуску прэпарата ўказваецца ў інструкцыях па прымяненні, лістках-укладышах і на ўпакоўках лекавых сродкаў.
Апошняя рэдакцыя безрэцэптурнага пераліку лекавых сродкаў была зацверджана ў чэрвені 2012 года. Аднак пасля гэтага ў Дзяржаўным рэестры былі зарэгістраваны новыя безрэцэптурныя лекі — у абарот яны выйшлі, але ў безрэцэптурны пералік так і не трапілі, таму ў вытворцаў і работнікаў аптэк сталі ўзнікаць пытанні па рэалізацыі такіх прэпаратаў.
Да ўступлення ў сілу нормаў Закона ад 17 лістапада 2014 года «Аб унясенні змяненняў і дапаўненняў у Закон Рэспублікі Беларусь «Аб лекавых сродках» пераробліваць безрэцэптурны пералік немэтазгодна, тлумачаць у міністэрстве. Таму аптэкі могуць адпускаць усе лекі, зарэгістраваныя як безрэцэптурныя, свабодна. Гэта тычыцца ў тым ліку і гомеапатычных прэпаратаў, якія не трапілі ў пералік.
Надзея НІКАЛАЕВА
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.