Вы тут

Хай загляне сонца ў кожнае ваконца!


Навагодняя дабрачынная акцыя «Нашы дзеці», якая праходзіць па ўсёй краіне, учора завітала і ў сталічны дзіцячы дом №3 «Жамчужынка».

20-32

Дзетак-сірот з асаблівасцямі псіхафізічнага развіцця з надыходзячымі святамі павіншаваў міністр прыродных рэсурсаў і аховы навакольнага асяроддзя Уладзімір Цалко разам з прадстаўнікамі ААТ «Белінвестбанк», Нацыянальнага банка Рэспублікі Беларусь, упраўлення Следчага камітэта па г. Мінску і іншых арганізацый.

20-31

Нягледзячы на тое, што надвор'е зусім не нагадвае зіму, у дзіцячым доме ў гэты снежаньскі дзень было па-святочнаму прыгожа і ўтульна. Дзеткі — галоўныя героі навагодняй казкі — спявалі песні і вадзілі карагоды вакол ёлкі разам са сваімі выхавальнікамі, Чараўніцай Зімой, Машай і Мядзведзем і, вядома ж, Снягуркай і Дзедам Марозам. Але самым цудоўным сюрпрызам для кожнай «жамчужынкі», безумоўна, сталі падарункі ад Дзеда Мароза і гасцей свята. Мінпрыроды пры фінансавай падтрымцы замежнага прадпрыемства «Кока-Кола Беўрыджыз Беларусь» набыло для дзіцячага дома навагоднюю ілюмінацыю: святлодыёдны светлавы дождж і светлавы матыў «Алень».

— Словы падзякі ў першую чаргу трэба адрасаваць усім выхавальнікам і настаўнікам, бо каб працаваць з такімі «асаблівымі» дзецьмі, патрэбна мець шмат цярплівасці і дабрыні, адкрытае сэрца і высакародную душу, — сказаў Уладзімір Цалко. — Дзякуй вам, што клапоціцеся пра дзяцей і дапамагаеце дзяржаве іх выхоўваць і рыхтаваць да жыцця.

Як адзначыў міністр, у дзіцячым доме №3 усяго 48 выхаванцаў, але ў цэлым па краіне такіх дзетак каля 25000. Гэта дзеці з сацыяльна ненадзейных сем'яў, або тыя, ад якіх адмовіліся бацькі. І клопат дзяржавы аб гэтых дзецях — вельмі важная справа. Таму чыноўнікам, міністрам і іншым дзяржаўным дзеячам трэба часцей бываць у такіх месцах, бачыць, у якіх умовах працуюць настаўнікі і жывуць дзеці з псіхафізічнымі асаблівасцямі, падтрымліваць іх.

Вераніка КОЛАСАВА

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.