Вы тут

Шэсце з размахам


У Віцебску адбылося грандыёзнае святочнае навагодняе шэсце, у якім бралі ўдзел каля 500 Дзядоў Марозаў і Снягурак, а таксама прыкладна 850 іншых казачных персанажаў. Каб правесці акцыю «Запалім ёлку разам», перакрылі рух транспарту ў цэнтры горада. Галоўныя падзеі адбыліся на плошчы Перамогі. Вядома, без сімвала наступнага года — Казы — не абышлося. Яе разам з каляднымі героямі везлі ў павозцы.

У апошні час у абласным цэнтры шэсці напярэдадні калядных і навагодніх свят праводзяцца з размахам. Насамрэч, калі святкаваць — дык святкаваць. І сёння Віцебск не адстае па ўзроўні святкавання ад чэшскіх, польскіх, французскіх гарадоў…

Горад літаральна стаў казачным, каб гараджане адчулі, што хутка святы. Гучала праз рэпрадуктары і родная мова: «А на зямлі беларускай спрадвеку ў зіму святкавалі вясёлыя Калядкі! Спявалі песні, гулялі ў розныя гульні і вадзілі казу!»

Ва ўрачыстай цырымоніі запальвання галоўнай ёлкі разам з галоўнымі гарадскімі Дзедам Марозам і Снягуркай бралі ўдзел прадстаўнікі таленавітай моладзі. Гэтага гонару ўдастоіліся тыя, хто ў 2014 годзе праславіў сваю вобласць, свой горад перамогамі ў розных конкурсах, алімпіядах і чэмпіянатах. У ліку тых, хто падае надзеі, Арцём Баршчоў, вучань 8 класа гімназіі № 1, капітан маладзёжнай зборнай па хакеі г. Віцебска; Яўген Каліноўскі, вучань 10 класа гімназіі № 2, пераможца заключнага этапу рэспубліканскай алімпіяды па геаграфіі, удзельнік міжнароднай алімпіяды па геаграфіі; Надзея Суздальцава, навучэнка Дзіцячай мастацкай школы г. Віцебска, лаўрэат Х рэспубліканскага мастацкага конкурсу…

У гэты ж дзень заззялі святочныя агні 60 «малодшых сясцёр» віцебскай навагодняй ёлкі № 1, у тым ліку ў новых мікрараёнах. Святкаванні прадоўжацца да старога Новага года.

Аляксандр ПУКШАНСКІ.

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.