Прэм'ер-міністр Андрэй Кабякоў прадставіў на новых пасадах трох міністраў: па падатках і зборах — Сяргея Налівайку, эканомікі — Уладзіміра Зіноўскага, адукацыі — Міхаіла Жураўкова. Урад чакае:
...ад Міністэрства па падатках і зборах — эфектыўнага выканання ключавых задач па напаўненні бюджэту. «Важна выконваць баланс інтарэсаў дзяржавы і канкрэтнага калектыву, грамадзяніна, — сказаў прэм'ер-міністр. — Не павінна быць рашэнняў на шкоду фінансавым крыніцам арганізацыі, але і патуранняў нельга дапускаць — у краіне ўсе павінны плаціць падаткі». Гэта, падкрэсліў Андрэй Кабякоў, патрабаванне сацыяльнай справядлівасці.
...ад Міністэрства эканомікі — эфектыўнай працы па падрыхтоўцы і выкананні ключавых дакументаў. «Мінэканомікі заўсёды было, ёсць і будзе эканамічным штабам урада. Гэта не толькі генератар ідэй бягучага развіцця, але і лакаматыў правядзення эканамічнай палітыкі, скіраванай на дасягненне доўгатэрміновых вынікаў. Менавіта тут ідзе адпрацоўка ключавых дакументаў па гадавых і пяцігадовых планах», — адзначыў Андрэй Кабякоў.
...ад Міністэрства адукацыі — працы на апярэджанне ў падрыхтоўцы кадраў для сучаснага рынку працы. Бо менавіта адукацыя прадвызначае актыўную грамадзянскую пазіцыю, прафесійна-маральныя якасці асобы, культурныя каштоўнасці. Андрэй Кабякоў падкрэсліў: «Толькі тыя краіны, якія створаць і будуць пастаянна падтрымліваць эфектыўную сістэму адукацыі на працягу ўсёй працоўнай дзейнасці чалавека, змогуць забяспечыць устойлівае развіццё эканомікі і дабрабыт чалавека».
Паводле інфармацыі БЕЛТА.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.