Вы тут

Праверце банкноты, калі ласка!


Сёлета будуць значна пашыраны паўнамоцтвы і функцыі Нацыянальнага банка. Указ Прэзідэнта Рэспублікі Беларусь ад 25 снежня 2014 г. № 615 «Аб унясенні змяненняў і дапаўненняў ва ўказы Прэзідэнта Рэспублікі Беларусь» унёс змены і дапаўненні ў Статут Нацбанка. Сярод іншага пазначана, што рэгулятар мае права вызначыць для банкаў Беларусі парадак праверкі банкнотаў на сапраўднасць па заявах фізічных асоб.

«Новаўвядзенне абумоўлена шматлікімі зваротамі грамадзян у Нацыянальны банк і банкі з просьбай аказання паслугі па праверцы сапраўднасці банкнотаў», — растлумачылі ў Нацбанку. Мера таксама павінна дапамагчы ў супрацьдзеянні «ценявому» рынку замежнай валюты. Рэалізаваць дадзеную функцыю мяркуецца па ўзгадненні з Міністэрствам унутраных спраў Рэспублікі Беларусь.

Акрамя гэтага, аднымі з найважнейшых функцый Нацыянальнага банка цяпер будуць наступнымі: разглядаць па сутнасці звароты спажыўцоў паслуг, што аказваюцца лізінгавымі арганізацыямі, у сувязі з парушэннем правоў такіх спажыўцоў і накіроўваць прадпісанні аб спыненні парушэння правоў спажыўца, абавязковыя для выканання лізінгавымі арганізацыямі, а таксама звароты спажыўцоў паслуг, што аказваюцца банкамі і нябанкаўскімі крэдытна-фінансавымі арганізацыямі пры ажыццяўленні банкаўскіх аперацый, у сувязі з парушэннем правоў такіх спажыўцоў і прымаць меры па абароне дадзеных правоў у парадку, ім устаноўленым; вызначаць парадак продажу банкамі памятных банкнот, памятных і зліткавых (інвестыцыйных) манет, якія з'яўляюцца законным плацежным сродкам Рэспублікі Беларусь, а таксама футаралаў да іх; забяспечваць функцыянаванне сістэмы цэнтралізаванага абмену міжбанкаўскай карэспандэнцыяй; вызначаць парадак фарміравання банкамі фонду абавязковых рэзерваў, які размяшчаецца ў Нацыянальным банку; вызначаць парадак ажыццяўлення банкамі, нябанкаўскімі крэдытна-фінансавымі арганізацыямі, адкрытым акцыянерным таварыствам «Банк развіцця Рэспублікі Беларусь», лізінгавымі і мікрафінансавымі арганізацыямі захадаў па прадухіленні легалізацыі даходаў, атрыманых злачынным шляхам, фінансавання тэрарыстычнай дзейнасці і распаўсюджвання зброі масавага паражэння; вызначаць для Нацыянальнага банка, банкаў і нябанкаўскіх крэдытна-фінансавых арганізацый парадак выкарыстання бланкаў каштоўных папер і дакументаў з пэўнай ступенню абароны, а таксама дакументаў з пэўнай ступенню абароны.

Асноўныя палажэнні Указа № 615 уступаюць у сілу праз шэсць месяцаў пасля афіцыйнага апублікавання (30 снежня 2014 года).

Падрыхтаваў
Уладзіслаў КУЛЕЦКІ

Выбар рэдакцыі

Жыллё

Па якіх крытэрыях дамы ўваходзяць у праграму па капрамонце?

Па якіх крытэрыях дамы ўваходзяць у праграму па капрамонце?

Пра ўсе тонкасці правядзення капітальнага рамонту расказалі спецыялісты.

Рэгіёны

Самы працяглы ўрок гістарычнай праўды і сяброўства

Самы працяглы ўрок гістарычнай праўды і сяброўства

Удзельнікі «Цягніка Памяці» папярэдніх гадоў дзеляцца сваімі ўражаннямі ад праекта.

Экалогія

Якія прагнозы на лета робяць метэаролагі?

Якія прагнозы на лета робяць метэаролагі?

Тры месяцы суцэльнай спякоты нам не абяцаюць

Гараскоп

Усходні гараскоп на наступны тыдзень

Усходні гараскоп на наступны тыдзень

У пачатку тыдня да Ракаў могуць падступна падкрасціся трывогі і сумневы.