Вы тут

Ты ж гарыш!


Калі тэмпература не перавышае 38–38,5 градуса, не спяшайцеся яе збіваць. Дайце арганізму пазмагацца з узбуджальнікамі прастуды, грыпу, вострых рэспіраторных вірусных інфекцый. Некантралюемы прыём гарачкапаніжальных сродкаў спыніць імунітэт. Аднак калі тэмпература няўхільна «паўзе» ўверх, прымайце меры. Пры вельмі высокай тэмпературы хворы становіцца бездапаможным, а таму павінен быць нехта, хто паклапоціцца пра яго і зробіць наступнае:

1.Прыкладзе халаднаваты кампрэс на лоб.

2.Дасць выпіць гарачкапаніжальны сродак.

Такія лекі трэба прымаць вельмі асцярожна. У аптэках на гэты выпадак прапануецца шырокі асартымент: парацэтамол, ібупрафен, аспірын. Для дзяцей высокая тэмпература вельмі небяспечная, а таму званіце ў «хуткую».

3.Падасць піццё, каб папярэдзіць абязводжванне. Падыдуць чай з мёдам і лімонам, вада з абляпіхавым або малінавым варэннем, сокі, мінеральная вада без газу, морсы. Чым мацней хворы будзе пацець, тым ніжэй будзе тэмпература.

4.Можна паспрабаваць расціранні — адэкалонам, спіртам, гарэлкай, воцатам, разведзеным у вадзе, ці хоць бы проста вадой. Высыханне раствору зніжае тэмпературу цела. Пасля гэтай працэдуры не трэба адразу ўкрываць ці апранаць хворага. Толькі праз нейкі час трэба падаць піжаму ці спартыўныя штаны з футболкай. І зноў падаць чай з ліпай, рамонкам і мёдам. Пры тэмпературы трэба піць шмат і часта.

5.Праветрыць пакой, зрабіць вільготную ўборку.

Пры моцнай гарачцы і ванітах выкарыстоўваюць нават рэктальныя свечкі.

20-11

Гэта важна

У хатніх умовах і сваімі сіламі можна вылечыць толькі самыя лёгкія прастудныя захворванні.

З пытаннем, чаму ў дарослага або дзіцяці трымаецца тэмпература 38 градусаў без нейкіх іншых сімптомаў, лепей звяртацца да спецыяліста — тэрапеўта або педыятра. За такім станам можа хавацца абсцэс, інфекцыя мочапалавой сістэмы, малярыя, тыф, інфаркт, наступствы траўмы і г. д. Урач пасля агляду, хутчэй за ўсё, прызначыць пэўныя даследаванні — аналіз мачы і крыві, пасеў макроты і інш. Не лянуйцеся здаваць самыя простыя аналізы — для спецыяліста яны вельмі інфарматыўныя.

Так, толькі па аналізе крыві можна меркаваць, якая інфекцыя вас напаткала — вірусная ці бактэрыяльная.

Выбар рэдакцыі

Грамадства

Захаваць. Нельга знесці

Захаваць. Нельга знесці

Знакі прыпынку нарэшце расстаўлены.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.