Такім чынам, колькасць краін-удзельніц дасягнула 40
Нечаканая абвестка з'явілася на афіцыйным сайце міжнароднага песеннага конкурсу «Еўрабачанне». Паводле рашэння арганізатараў, у фінале юбілейнага
60-га шоу запрошаны выступіць прадстаўнік Аўстраліі.
«Гэта адбудзецца толькі сёлета, у прыватнасці, каб пашырыць маштаб юбілейных урачыстасцяў і адпавядаць абранай тэме гэтага года — «Навядзенне мастоў». Такі наш спосаб сказаць: «Давайце адзначым гэту падзею разам!» — падкрэслівае выканаўчы прадзюсар Еўрапейскага вяшчальнага саюза Ён Ола Сан. Як гаворыцца ў афіцыйным паведамленні арганізатараў, Аўстраліі, нягледзячы на розніцу ў часе, таксама будзе дазволена галасаваць у абодвух паўфіналах і фінале, што можа ўнесці пэўныя карэктывы ў выніковую табліцу.
Калі ж раптам у конкурсе пераможа прадстаўнік Аўстраліі, неабходна будзе знайсці краіну-партнёра для арганізацыі конкурсу ў Еўропе (на дадзены момант ідуць перамовы з Германіяй), і тады ў 2016 годзе прадстаўнік краіны зноў будзе дапушчаны да ўдзелу ў мерапрыемстве. Падобнае рашэнне ў дачыненні да краіны, якая не мае геаграфічнага дачынення да Еўропы, прынятае ўпершыню.
Аўстралійскія тэлевізійнікі, дарэчы, транслююць конкурс для жыхароў краіны ўжо больш за 30 гадоў і адзначаюць нязменна высокую цікавасць да яго. Сёлетні фінал, напрыклад, будзе паказаны ў прамым эфіры раніцай, а яго запіс выйдзе ў вячэрні прайм-тайм тэлеканала SBS One таго ж дня. Каму з выканаўцаў або калектываў выпадзе гонар прадставіць краіну на адным з любімых тэлеконкурсаў аўстралійцаў, пакуль невядома. Выбар мусіць быць зроблены да 16 сакавіка.
Вікторыя ЦЕЛЯШУК
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!