Вы тут

Рэктар БДУ выйдзе на анлайн-сувязь з абітурыентамі


Фестываль факультэтаў пройдзе ў Беларускім дзяржаўным універсітэце 28 сакавіка. У гэты дзень з 10.00 да 16.00 вядучы ўніверсітэт краіны стане адкрытай пляцоўкай для дыялогу абітурыентаў і іх будучых выкладчыкаў.

Аб структуры ВНУ, спецыяльнасцях і напрамках падрыхтоўкі, адукацыйных і навуковых дасягненнях факультэтаў школьнікі змогуць даведацца на шматлікіх прэзентацыйных мерапрыемствах. А пра асаблівасці прыёму і правілы паступлення ва ўніверсітэт раскажуць прадстаўнікі прыёмнай камісіі. Будзе арганізавана і індывідуальнае кансультаванне. Больш за тое, на сёлетнім Фестывалі факультэтаў будуць улічаны таксама інтарэсы абітурыентаў, якія пражываюць у аддаленых рэгіёнах Беларусі. Упершыню для іх будзе праведзена onlіne-канферэнцыя з удзелам рэктара БДУ акадэміка Сяргея Абламейкі. Пачатак у 13.00. Прамая трансляцыя мерапрыемства будзе весціся на афіцыйным сайце БДУ. Любы школьнік зможа папярэдне задаць пытанне, якое тычыцца прыёмнай кампаніі, у афіцыйнай групе БДУ ў сацыяльнай сетцы «ВКонтакте» (раздзел «Абітурыент БДУ»).

Пра тое, якое разнастайнае і багатае на падзеі жыццё сучаснага ўніверсітэта, госці фестывалю даведаюцца з прэзентацый дзейнасці студэнцкіх грамадскіх арганізацый, псіхалагічнай службы і спартыўнага клуба БДУ. Для ўдзельнікаў універсітэцкага свята падрыхтаваны таксама забаўляльныя мерапрыемствы. Будучыя студэнты змогуць убачыць выступленні каманды КВЗ і творчых калектываў БДУ, праверыць свае сілы ў інтэлектуальных і інтэрактыўных конкурсах і віктарынах.

Свята для будучых абітурыентаў пройдзе ў сценах Ліцэя БДУ (вул. Ульянаўская, 8). Урачыстае адкрыццё з удзелам рэктара БДУ, акадэміка Сяргея Абламейкі запланавана на 11 гадзін.

Надзея НІКАЛАЕВА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.