Аб гэтым заявіў Прэзідэнт Беларусі Аляксандр Лукашэнка на сустрэчы з губернатарам Чалябінскай вобласці Расійскай Федэрацыі Барысам Дуброўскім, паведамляе БЕЛТА.
Аляксандр Лукашэнка абазначыў некалькі перспектыўных напрамкаў супрацоўніцтва. Так, Беларусі цікавы магутны станкабудаўнічы кластар, які фарміруецца ў Чалябінскай вобласці. Паводле слоў кіраўніка дзяржавы, перспектыўным з'яўляецца супрацоўніцтва ў галіне сельскай гаспадаркі. Беларускі бок гатовы падзяліцца з дэлегацыяй Чалябінскай вобласці паспяховым досведам у гэтай сферы. «Што датычыцца будаўнічай галіны, мы таксама маем пэўны вопыт праектавання і ўзвядзення будаўнічых аб'ектаў як грамадзянскай, так і прамысловай інфраструктуры. Калі ў вас будзе цікавасць, мы гатовы з вамі працаваць і ў гэтым напрамку, гатовы падзяліцца вопытам у сферы распрацоўкі прымянення новых матэрыялаў, тэхналогій», — прапанаваў Аляксандр Лукашэнка.
У Беларусі і Чалябінскай вобласці, якая даўно з'яўляецца надзейным партнёрам нашай краіны, шмат агульных падыходаў і па пэўных напрамках ужо вядзецца актыўнае супрацоўніцтва ў розных сферах, сказаў Прэзідэнт. Кіраўнік дзяржавы падкрэсліў, што беларускі бок аператыўна разгледзіць усе прапановы дэлегацыі Чалябінскай вобласці, унясе свае. «У нас ёсць рашучасць неадкладна прымаць рашэнні і рухацца ў напрамку мабілізацыі нашых працоўных рэсурсаў для рэалізацыі гэтых рашэнняў і нашых будучых пагадненняў», — адзначыў Аляксандр Лукашэнка.
Прэзідэнт перадаў чалябінцам і беларускай дыяспары ў гэтым расійскім рэгіёне самыя добрыя пажаданні, дадаўшы, што самае галоўнае цяпер для беларусаў і ўсіх расіян — упэўненасць у будучыні.
Як работнікі МАЗа рыхтуюцца да выпрабаванняў у пустыні.
У зоне абслугоўвання — дзесяць вёсак.
На прасторах яе вялікасці кнігі.
