Вы тут

Памяць пра ветэранаў


Супрацоўнікі органаў унутраных спраў наведалі і павіншавалі ветэранаў Вялікай Айчыннай вайны.

Як паведамілі ў МУС, на ўліку ў ветэранскіх арганізацый ведамства знаходзяцца 344 удзельнікі вайны. Многія з іх — уладальнікі шматлікіх баявых узнагарод. Разам з віншаваннямі і падарункамі кожны з іх атрымаў юбілейны медаль «70 гадоў Перамогі ў Вялікай Айчыннай вайне 1941—1945 гадоў».

Акрамя таго, ветэраны на чале з Віктарам Піскаровым, старшынёй Рэспубліканскага савета ветэранаў МУС, наведалі магілы загінулых партызанаў, франтавікоў, якія займалі высокія пасады ў беларускай і савецкай міліцыі, — Героя Савецкага Саюза Сяргея Сікорскага, Аляксея Клімоўскага, Васіля Цімашэнкі, Аляксандра Аксёнава і іншых.

Да Дня Перамогі ў міністэрстве таксама прымеркавалі сустрэчу міністра Ігара Шуневіча з маладымі супрацоўнікамі міліцыі, якія прыехалі ў Мінск з усіх куткоў краіны. Праваахоўнікі на тэрыторыі Цэнтра павышэння кваліфікацыі кіраўнічых работнікаў і спецыялістаў Дэпартамента аховы заклалі хваёвую алею ў гонар 70-годдзя перамогі, устанавілі памятны знак, паўдзельнічалі разам з ветэранамі ў круглым стале, наведалі мемарыяльны комплекс «Хатынь»...

— Нашым дзядам і прадзедам пашанцавала — яны засталіся жывыя, — звярнуўся да моладзі Ігар Шуневіч. — Таму мы з вамі і нарадзіліся. Аднак кожны трэці беларус не вярнуўся з той жорсткай вайны. Я хачу, каб мы заўжды помнілі адну рэч: калі ў чыюсьці галаву прыйдзе недарэчная ідэя зладзіць нешта падобнае да таго, што адбылося 70 гадоў таму, у краіны ёсць мы з вамі, людзі ў пагонах, якія павінны выканаць свой абавязак.

Якаў ЖУРБІН

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.