Вы тут

Сакрэт натхнення радыёжурналіста


Брэст як культурная сталіца гэтага года стаў цэнтрам прыцягнення для канала «Культура» Беларускага радыё, супрацоўнікі якога зладзілі выязную сустрэчу з прыхільнікамі і пастаяннымі слухачамі.

23-26

Вядучыя і артысты, якія рэгулярна ўдзельнічаюць у праграмах канала, арганізавалі вечар «Радыё «Культура» прэзентуе» ў Брэсцкай абласной філармоніі. У фае была адкрыта фотавыстава Марыны Бацюковай, у ёй можна было пабачыць творчыя будні калектыву, хвіліны працы над радыёпраграмамі, эмоцыі супрацоўнікаў у студыях і па-за іх межамі.

Сам канцэрт, які вялі журналісты канала Марыя Дуброўская, Вікторыя Грыб і Уладзімір Трапянок, прайшоў з любімымі і пастаяннымі выканаўцамі «Культуры». Тут госці маглі паслухаць выступленне Брэсцкага камернага аркестра і ансамбля «Крэсіва», піяністку Таццяну Старчанку з ансамблем «Класік-джаз-трыа», салістку Беларускай дзяржаўнай філармоніі Дзіну Трухан-Багданаву. На канцэрце выступіў рэжысёр Беларускага радыё Алег Вінярскі, які чытае на радыё творы айчыннай і замежнай літаратуры, а таксама музыкант Эдуард Ханок.

Пасля мерапрыемства ў тых, хто працуе над радыёэфірамі «Культуры», быў час на простую гутарку з усімі ахвотнымі, падчас яе слухачы задавалі пытанні і выказвалі свае думкі. Па выніках паездкі канал рыхтуе спецыяльны праект «Тыдзень Брэста на канале «Культура», які прагучыць у эфіры ў апошні тыдзень вясны, з 25 па 31 мая.

Рэдактар канала «Культура», кіраўнік праекта «Мэры Попінс» (дарэчы, артысты-ўдзельнікі праекта таксама выступалі на канцэрце) Таццяна Гулевіч сказала, што настрой у каманды быў выдатным яшчэ з раніцы: «Чатыры з паловай гадзіны ў дарозе з дружным калектывам, у склад якога акрамя журналістаў увайшлі артысты і музыканты, што маюць плённыя стасункі з нашым радыёканалам, праляцелі незаўважна. А ўжо ў канцы дня, пасля канцэрта, у нас заставаўся час на нефармальныя размовы з прыхільнікамі нашага канала і мы агучылі шчырыя словы падзякі ў адрас новых сяброў, якіх адшукалі на Брэсцкай зямлі. Назапашаныя станоўчыя эмоцыі ствараюць тую неабходную творчую атмасферу, каб пачаць рыхтаваць новы праект».

Ірэна КАЦЯЛОВІЧ

Выбар рэдакцыі

Энергетыка

Беларусь у лідарах па энергаэфектыўнасці

Беларусь у лідарах па энергаэфектыўнасці

А сярод краін ЕАЭС — на першым месцы.

Моладзь

Аліна Чыжык: Музыка павінна выхоўваць

Аліна Чыжык: Музыка павінна выхоўваць

Фіналістка праекта «Акадэмія талентаў» на АНТ — пра творчасць і жыццё.

Грамадства

24 красавіка пачаў работу УНС у новым статусе

24 красавіка пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.