Вы тут

Толькі не дыета!


Дыет для пахудзення безліч, і кожная абяцае выдатны вынік — проста імгненнае пазбаўленне лішняй вагі. Але якой цаной? Пра гэта звычайна — ні слова. Як і пра тое, што рабіць далей, калі ўжо трэба «злазіць»... Наступны раз, калі вам зноў «засвярбіць» выпрабаваць на сабе штосьці «кефірнае», «толькі яблыкі» і г.д., вазьміце на ўзбраенне інфармацыю, якой кіруюцца звычайна спецыялісты ў галіне здаровага харчавання і ладу жыцця. Паспрабуйце ацаніць выбраную вамі дыету па наступных пазіцыях.

3-5

• Ці можна на гэтай дыеце жыць працяглы час так, каб не страціць фізічнае і псіхічнае здароўе? Усё, чым можна карыстацца толькі кароткі час, забяспечвае такі ж самы кароткі вынік.

• Ці не прапануе дыета рацыён з каларыйнасцю, ніжэйшай за 1200 ккал (павінна быць не менш за 20 ккал на 1 кг вагі)? Пры такім раскладзе немагчыма атрымаць неабходныя рэчывы.

• Дыета не можа цалкам выключаць з рацыёну бялкі або тлушчы, або вугляводы. Нам неабходна і першае, і другое, і трэцяе. Здаровае харчаванне — разнастайнае.

• Калі дыета змяшчае нейкія цяжкія для выканання моманты — піць штосьці цягам дня або гатаваць па некалькі гадзін, то гэта пройгрышны варыянт. Усё гэта хутка абрыдне.

• Цягам тыдня можна страціць толькі 1 кг тлушчу. Усё астатняе — мышцы і вада. Ваду можна папоўніць, хоць яе дэфіцыт абяцае больш хуткае старэнне арганізма, а вось мышцы аднаўляюцца даўжэй і цяжэй.

• Адмятайце ўсё, што суправаджаецца словамі «магічная», «тлушч раствараецца на вачах», «без усякай фізічнай нагрузкі» і г.д.

• Заглушайце жаданне набыць якія-небудзь пілюлі, якія «ўзмацняюць эфект» пахудзення.

Што трэба зрабіць?

1. Арганізуйце сябе. Трэба прызвычаіцца есці прыкладна ў адзін і той жа час (умоўна кажучы, у 10.00, 14.00 і 18.00). Цягам 16 гадзін у суткі есці не трэба.

2. Калараж прадуктаў трэба адсочваць і ўлічваць.

Што такое «разнастайнае меню»?

Эксперты па харчаванні Гарвардскай школы грамадскай аховы здароўя ні ад кога не хаваюць «Талерку здаровага харчавання». Яна заснавана на апошніх навуковых доказах, якія сведчаць, што дыета, багатая на гародніну, цэльнае зерне, здаровыя тлушчы і здаровыя бялкі зніжае рызыку росту вагі і развіцця хранічных захворванняў.

Вось што павінна быць у гарвардскай талерцы:

1. Гародніна. Самая розная, абмяжоўваць толькі бульбу, багатую на крухмал, які хутка ператраўліваецца і выклікае кароткатэрміновыя ўсплёскі ўзроўню цукру ў крыві, як і прадукты з ачышчанага зерня і прысмакі.

2. Садавіна. Розная, штодня.

3. Цэльнае зерне. Аўсянка, цэльназерневы хлеб, карычневы рыс.

4. Бялкі. Рыба, птушка, бабовыя, арэхі. Абмяжуйце чырвонае і перапрацаванае мяса.

5. Алей. Для гатавання страў, у салатах. Абмяжуйце масла і транстлушчы, маргарын.

6. Вада. Піце ваду, чай або каву (з невялікай колькасцю цукру ці без яго). Абмяжуйце малако і малочныя прадукты да адной-дзвюх порцый на дзень і соку да адной невялічкай шклянкі на дзень, пазбягайце напояў з цукрам.

Святлана БАРЫСЕНКА

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.