Вы тут

А ў нас такое ёсць!


Клінічныя кафедры Беларускага дзяржаўнага медыцынскага ўніверсітэта ўжо некалькі гадоў актыўна супрацоўнічаюць з Казахскім нацыянальным медыцынскім універсітэтам імя С.Д. Асфендзіярава, у якім прафесары БДМУ чытаюць лекцыі, праводзяць майстар-класы, рыхтуюць вучэбна-метадычныя дапаможнікі. Самыя цесныя стасункі склаліся ў казахскіх калег з супрацоўнікамі 2-й і 3-й кафедраў унутраных захворванняў, нервовых і нейрахірургічных хвароб і 1-й кафедры хірургічных захворванняў. Дарэчы, зацверджаны план супрацоўніцтва і з Медыцынскім універсітэтам Астаны.

У чэрвені ў Алматы адбыўся ІV з'езд тэрапеўтаў Казахстана, падчас якога звыш 3 тысяч урачоў і навуковых работнікаў Казахстана, краін Еўропы і Азіі абмеркавалі актуальныя праблемы кардыялогіі, пульманалогіі, эндакрыналогіі, рэўматалогіі, клінічнай фармакалогіі і інш. На пасяджэнні секцыі гастраэнтэралогіі і гепаталогіі казахскія калегі распавядалі пра сучасную тэрапію хранічнага гепатыту і цырозу печані, дыягностыку і лячэнне кардыягенных пашкоджанняў печані і іншых паталогій гэтага органа.

Выступленне дацэнтаў 2-й кафедры ўнутраных захворванняў БДМУ Мікалая Капралава і Ірыны Шаламіцкай было прысвечана ранняй дыягностыцы гастраэзафагіяльнай рэфлюкснай хваробы — кіслотазалежнай паталогіі верхняга аддзела страўнікава-кішачнага тракту з цяжкімі эразійна-язвавымі пашкоджаннямі стрававода, развіццём крывацёку. Адзначалася вядучая роля ўнутрыстрававоднай рН-метрыі ў дыягностыцы рэфлюкснай хваробы, якая часта спалучаецца з хранічнай бранхалёгачнай паталогіяй і начнымі кіслотнымі закідамі. Цікавасць да гэтага даклада была абумоўлена тым, што сучаснае электраметрычнае даследаванне страўнікавай сакрэцыі ў лячэбных і навукова-даследчых цэнтрах Казахстана пакуль не праводзіцца.

 

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.