Вы тут

Эксклюзіў для турыста


Госці нядаўняга свята сярэднявечнай культуры «Рыцарскі фэст» (а яго наведалі каля 15 тысяч чалавек, у тым ліку з Расіі і Украіны) змаглі не толькі пабачыць шмат розных цікавых мерапрыемстваў, але і набыць эксклюзіўныя паштоўкі з відамі беларускага Суздаля, як яшчэ называюць Мсціслаў. Прыгожыя паштоўкі з выявамі храмаў старажытнага горада і яго наваколля зроблены па ініцыятыве Магілёўскага філіяла РУП «Белпошта».

— Мы спецыяльна імкнуліся паспець да свята, каб нашымі паслугамі змагла скарыстацца як мага большая колькасць людзей, — адзначыла намеснік дырэктара Магілёўскага філіяла Галіна Марчанка. — Акрамя паштовак з відамі Мсціслава, свет убачыла серыя паштовак пра Магілёў.

Попытам у турыстаў карыстаецца яшчэ і паштовая крама, якая працуе ў сценах 30-га аддзялення сувязі ў цэнтры горада. Там вельмі шырокі выбар розных паштовак, канвертаў першага дня, марак, мастацкіх паштовак для аматараў філакартыі.

А летась на базе Магілёўскага філіяла запрацаваў пакуль што адзіны ў Беларусі лагістычны цэнтр, які значна палегчыў працу саміх паштавікоў і павысіў якасць абслугоўвання карпаратыўных кліентаў. Для іх аж на суткі паскорылася адпраўка ўсіх відаў паштовых адпраўленняў, у тым ліку і за межы краіны.

Нэлі ЗІГУЛЯ. zigulya@zviazda.by

Выбар рэдакцыі

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні. 

Грамадства

Народнае прадстаўніцтва

Народнае прадстаўніцтва

Вясна гэтага года праходзіць у Беларусі пад знакам Усебеларускага народнага сходу ў яго новым статусе і якасці. 

Грамадства

Хаменка выбраны намеснікам старшыні Савета Рэспублікі восьмага склікання

Хаменка выбраны намеснікам старшыні Савета Рэспублікі восьмага склікання

Ён выбраны таемным галасаваннем з выкарыстаннем бюлетэняў.