Вы тут

Азіяцкі банк развіцця даў Казахстану мільярд долараў


Азіяцкі банк развіцця (АБР) ухваліў праграму дапамогі Казахстану на мільярд долараў. Адпаведная інфармацыя змяшчаецца ў паведамленні фінансавай структуры. Грошы выдзяляюцца, каб падтрымаць дзяржпраграму Казахстана па ўмацаванні эканомікі. «Крэдыт дасць краіне бюджэтную свабоду, якая патрэбна для змякчэння наступстваў рэзкага зніжэння коштаў на нафту і эканамічнага спаду ў суседніх краінах», — гаворыцца ў паведамленні. Сродкі перавядуць двума траншамі па 500 мільёнаў долараў, тэрмін пагашэння пазыкі — 5 гадоў. 20 жніўня прэм'ер-міністр Казахстана Карым Масімаў паведаміў, што ўрад прыняў рашэнне адпусціць тэнге ў вольнае плаванне. У той жа дзень нацыянальная валюта абвалілася ў адносінах да долара на 30 працэнтаў. Прэзідэнт Казахстана Нурсултан Назарбаеў патлумачыў, што дэвальвацыя нацыянальнай валюты забяспечыць захаванне мільёна працоўных месцаў.

Выбар рэдакцыі

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.