28-30 жніўня Беларускі рэспубліканскі саюз моладзі пры падтрымцы міністэрстваў спорту і турызму, адукацыі, інфармацыі, Беларускай чыгункі, Мінскага абласнога выканаўчага камітэта праводзіць рэспубліканскі спартыўны фестываль працоўнай моладзі «Алімпія». Палатачны гарадок размесціцца на беразе жывапіснай ракі Свіслач каля пасёлка Ракаў у Валожынскім раёне.
У Год моладзі і выбараў Прэзідэнта Рэспублікі Беларусь (адсюль і слоган форуму «Наш год — наш выбар») актыўная і ініцыятыўная моладзь збярэцца на «Алімпію», каб «зверыць гадзіннікі» і аб'яднаць намаганні. У сувязі з гэтым арганізатары традыцыйнага праекта зрабілі своеасаблівую «перазагрузку» і сёлета фестываль набыў новы статус — спартыўна-адукацыйнага форуму. Яго галоўная мэта — аб'яднанне і навучанне хлопцаў і дзяўчат праз трэнінгавыя і лідарскія праграмы, правядзенне майстар-класаў, прэзентацый, сустрэч з вядомымі людзьмі. Адной з асноўных пляцовак для гэтага стане пляцоўка адкрытых дэбатаў «Выбірай.by», падчас якіх маладыя людзі ў форме дыскусій падзеляцца праблемамі, якія хвалююць пакаленне next, і разам з экспертамі знойдуць магчымыя шляхі іх вырашэння.
Таксама будзе працаваць пляцоўка «Я патрыёт», на якой размесціцца міні-выстава вагона-музея «Маладзёжнага агітпоезда «Кветкі Вялікай Перамогі». На ёй жа з удзелам брэсцкага ваенна-гістарычнага клуба «Гарнізон» запланавана арганізаваць міні-рэканструкцыі ваенных эпізодаў Вялікай Айчыннай вайны. На пляцоўцы «Я лідар. Я прафесіянал» пройдуць сустрэчы «алімпійцаў» з медыяперсонамі, вядомымі бізнесменамі, аўтарамі найбуйнейшых айчынных інфармацыйных інтэрнэт-парталаў, якія падзеляцца з удзельнікамі форуму гісторыяй свайго поспеху, распавядуць пра выніковасць працы ў камандзе. Будучых чэмпіёнаў-аматараў па пад'ёме гіры, армрэслінгу, дартсе, бадмінтоне, настольным тэнісе і футболе аб'яднае пляцоўка «Беларусь спартыўная». А на «Беларусі творчай» запланаваны майстар-класы па вакале, ігры на гітары, сучасных танцах, якія правядуць папулярныя дзеячы мастацтваў. Тут жа суботнім вечарам выступяць папулярныя айчынныя маладзёжныя групы.
Сяргей СТАРЫНАЎ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
