Вы тут

«Любіць Беларусь!»... праз музыку і мову


Ужо заўтра, 2 верасня, у Гродне распачнецца цыкл канцэртаў, арганізаваных тэлеканалам «Беларусь 3» Белтэлерадыёкампаніі з назвай «Любіць Беларусь!». Рабіць гэта становіцца лёгка, калі акцыя прапануе нацыянальныя музычныя традыцыі ад славутага ансамбля «Бяседа», выгляд шыкоўных каларытных строяў выступоўцаў і мілагучнасць беларускай мовы.

1-36

Музыкі, вядучая праграмы «Размаўляем па-беларуску» тэлеканала «Беларусь 3» Алена Трацэнка і здымачная група з 2 верасня па 10 кастрычніка збіраюцца наведаць васямнаццаць гарадоў і мястэчак і акрамя Гродна, Гомеля, Магілёва, Брэста, Наваполацка заглянуць, напрыклад, у аграгарадок Юнькі Пастаўскага раёна.

Ансамбль «Бяседа» абяцае для кожнага месца новую канцэртную праграму: «Куды б мы ні завіталі, будуць гучаць песні, не падобныя адна на другую. Наш мастацкі кіраўнік, народны артыст Беларусі Леанід Захлеўны, напісаў шмат песень, прысвечаных роднаму краю. Не толькі беларусам, але і гасцям будзе цікава паслухаць нашу спадчыну — народныя песні — і даведацца пра культуру краіны. Мы павінны ганарыцца, што жывём у сінявокай Беларусі, — кажа вакалістка ансамбля Таццяна Лазоўская.

Важнай часткай праграмы з'яўляецца віктарына «Размаўляем па-беларуску», якая будзе праводзіцца ў «антракце» канцэртаў. Дзве каманды з трох чалавек павінны будуць прайсці чатыры этапы моўных «выпрабаванняў». Пераможцы атрымаюць кнігі беларускіх аўтараў Выдавецкага дома «Звязда». «Галоўнае для нас — не выявіць пераможцаў, а выклікаць цікавасць да беларускай мовы», — канстатуе вядучая Алена Трацэнка. Хай так і будзе.

«Бяседа» — той калектыў, што сыходзіць з народных глыбінь, таму і становіцца найлепшым правадніком думкі, закладзенай у назве праекта. Гэта акцыя настрою (і назва невыпадковая), спроба з дапамогай народнай музыкі і традыцый паказаць, што мы адна краіна, адно цэлае», — расказвае аб праекце галоўны дырэктар тэлеканала «Беларусь 3» Віктар Маючы.

Да акцыі далучылася Рэспубліканскае грамадскае аб'яднанне «Белая Русь». Фінальны гала-канцэрт адбудзецца 10 кастрычніка ў сталічным Палацы Рэспублікі. Падчас самой акцыі сачыце за штотыднёвымі 26-хвіліннымі аглядамі на «Беларусь 3» і дзённікам карэспандэнта газеты «Звязда».

Ірэна КАЦЯЛОВІЧ

katsyalovich@zviazda.by

Фота Сяргея НІКАНОВІЧА

Выбар рэдакцыі

Грамадства

Сёння пачаў работу УНС у новым статусе

Сёння пачаў работу УНС у новым статусе

Амаль тысяча дзвесце чалавек сабраліся, каб вырашаць найважнейшыя пытанні развіцця краіны. 

Навука

Наколькі эфектыўна працуе сістэма інтэлектуальнай уласнасці?

Наколькі эфектыўна працуе сістэма інтэлектуальнай уласнасці?

Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.