Вы тут

Прафсаюз для моладзі — выдатная школа жыцця


Першы ўрок у новым навучальным годзе для дзесяцікласнікаў сталічнай гімназіі №24 прайшоў у... штаб-кватэры Федэрацыі прафсаюзаў Беларусі. Традыцыя праводзіць 1 верасня гасцявыя ўрокі практыкуецца ў сталіцы даўно. Учора на сустрэчу са школьнікамі, студэнтамі і навучэнцамі прафтэхшколы прыйшлі прадстаўнікі Нацыянальнага сходу, урада, Вярхоўнага Суда, Нацыянальнага банка і Генеральнай пракуратуры, кіраўнікі канцэрнаў і губернатары, пісьменнікі і дзеячы культуры. А вось урок, прысвечаны прафсаюзнай тэматыцы, «Моладзь і прафсаюзы» прайшоў упершыню.

 152

152

— Мэта нашага ўрока — расказаць школьнікам пра тое, што сёння ўваходзіць у сферу дзейнасці прафсаюзаў, пра стратэгію сацыяльнага партнёрства і перавагі, якія дае членства ў прафсаюзе, — расказаў старшыня ЦК Беларускага прафсаюза работнікаў адукацыі і навукі Аляксандр БОЙКА. — Маладыя людзі яшчэ са школы добра ведаюць пра дзейнасць маладзёжных грамадскіх арганізацый, пра БРСМ, але амаль нічога не ведаюць пра дзейнасць прафсаюзаў. Для маладога пакалення наша праца не зусім зразумелая, а значыць, і не зусім блізкая. Таму вельмі шмат залежыць ад таго, у якой форме ім будзе данесена карысная інфармацыя. Дарэчы, доля навучэнскай моладзі ў Беларускім прафсаюзе работнікаў адукацыі і навукі цяпер складае чвэрць ад агульнай колькасці. І цяперашнія дзесяцікласнікі ўсяго праз два гады таксама маюць усе шанцы папоўніць рады прафсаюза.

— У прафсаюзе — як у сям'і... Вы, напэўна, часта спрачаецеся з бацькамі. Вось і мы спрачаемся з сацыяльнымі партнёрамі, але ў нашай працы самае галоўнае — знайсці кампраміс, — звярнулася да гімназістаў старшыня Мінскай гарадской арганізацыі прафсаюза работнікаў адукацыі і навукі Ларыса ВОЛКАВА. — Здараецца, нас не разумеюць. Нам кажуць, што пытанне вырашыць немагчыма, але мы спрабуем дамаўляцца. Настойлівасць, упартасць, уменне даказаць сваю правату і жаданне абараніць іншага — неабходныя якасці для прафсаюзнага лідара. 

Старшыня Мінскага гарадскога аб'яднання арганізацый прафсаюзаў Мікалай Беланоўскі падкрэсліў, што «арганізацыя адкрытага ўроку менавіта ў штаб-кватэры Федэрацыі прафсаюзаў Беларусі — гэта спроба дабавіць да матэматычных ведаў школьнікаў (а на сустрэчу прыйшлі вучні менавіта матэматычнага класа. — Аўт.) яшчэ і веды пра магчымасці, якія дае прафсаюз. 165

165

— Вы ў сваім дарослым жыцці і прафесійнай дзейнасці неаднойчы будзеце сутыкацца са складанымі сітуацыямі, калі перад вамі паўстануць пытанні, да каго звярнуцца і хто зможа дапамагчы. Каб вы ведалі: дапамагчы вам змогуць у прафсаюзе. Мы часта чулі, што, маўляў, на Захадзе пануе «дзікі капіталізм». Але і ў нас сёння рыначныя адносіны... Вельмі шмат парушэнняў правоў работнікаў выяўляюцца ў прыватным сектары эканомікі, — канстатаваў Мікалай Беланоўскі. — Там наймаюць шмат людзей па дагаворах падраду, не афармляючы пастаянныя працоўныя адносіны. Мы назіраем і яшчэ адну новую тэндэнцыю: наймальнікі бяруць актыўнага маладога чалавека на працу з выпрабавальным тэрмінам і адпаведным заробкам, а праз тры месяцы кажуць яму: «Прабачце, але вы нам не падышлі». І запрашаюць на яго месца новага... Аднойчы да нас трапіла інструкцыя для інвестараў, у якой змяшчалася 10 пунктаў-парад для тых, хто хоча рабіць бізнес ва Усходняй Еўропе. Першым пунктам там была наяўнасць развітой інфраструктуры. Другім — высокакваліфікаваныя кадры. А трэцяя падказка — адсутнасць у краіне моцных прафсаюзаў, таму што ўсе жадаюць атрымліваць максімальны вынік пры мінімуме ўкладанняў.

Гімназістам расказалі, што ў маі бягучага года пры Федэрацыі прафсаюзаў Беларусі быў створаны Маладзёжны савет ФПБ. У яго склад увайшлі 43 прадстаўнікі пярвічных прафсаюзных арганізацый найбуйнейшых беларускіх прадпрыемстваў, вышэйшых, сярэдніх спецыяльных і прафесійна-тэхнічных навучальных устаноў. Маладзёжны савет ФПБ будзе прадстаўляць інтарэсы каля 2 мільёнаў чалавек. Інтарэсы навучэнскай і працоўнай моладзі могуць не супадаць, таму для таго, каб улічваліся меркаванні ўсіх, і быў створаны Маладзёжны савет.

— Для студэнтаў работа ў прафкаме была і застаецца цудоўнай школай працы з людзьмі і дзеля людзей, — падкрэсліў Аляксандр Бойка. — Маладым людзям, якія не проста «былі» ў прафсаюзе, а сталі яго актыўнай часткай, прымалі самы непасрэдны ўдзел у рэалізацыі прафсаюзных ініцыятыў і праектаў, удаецца многае і ва ўласнай кар'еры. 

Надзея НІКАЛАЕВА 

nіkalaeva@maіl.ru

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Казярогам важна на гэтым тыдні скончыць неадкладную справу, якая ўжо даўно не дае спакою.

Здароўе

Як вясной алергікам аблегчыць сваё жыццё?

Як вясной алергікам аблегчыць сваё жыццё?

Некалькі парад ад урача-інфекцыяніста.