Пра гэта заявіў начальнік упраўлення інфармацыі — прэс-сакратар МЗС Дзмітрый Мірончык, адказваючы на пытанне аб тым, якая рэакцыя Беларусі на інцыдэнт са збітым турэцкімі ВПС расійскім ваенным самалётам, паведамляе БЕЛТА.
«Падобныя трагічныя і вельмі небяспечныя інцыдэнты выклікаюць глыбокае шкадаванне і крайнюю занепакоенасць. Асабліва, калі яны адбываюцца ў рэгіёне, дзе і без таго на працягу некалькіх гадоў ідзе крывавае ўзброенае супрацьстаянне, і калі ўдзельнікамі такіх інцыдэнтаў становяцца братэрская для нас Расія і дружалюбная Турцыя», — заявіў прэс-сакратар.
«Гэты драматычны абарот падзей не ў інтарэсах ні адной з уцягнутых краін і пагражае палітычнымі наступствамі для агульнай справы сусветнай супольнасці — барацьбы з міжнародным тэрарызмам», — падкрэсліў Дзмітрый Мірончык.
«У любых падобных сітуацыях патрабуюцца вытрымка, сумесная работа па дээскалацыі напружанасці і высвятленню ўсіх дэталяў інцыдэнту з тым, каб пазбегнуць іх паўтарэння ў будучыні», — дадаў ён.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
