Васьмікласнік СШ №2 г. Шчучына Максім Пянькоўскі ўдастоены прэміі Гродзенскага аблвыканкама імя Аляксандра Дубко, якая ўжо традыцыйна ўручаецца лепшым школьнікам і студэнтам.
Сёлета прэстыжную прэмію ў розных намінацыях атрымалі 39 таленавітых маладых людзей Гродзеншчыны. Шчучынскі школьнік — за дасягненні ў ракетамадэльным спорце, якім ён з дзевяцігадовага ўзросту займаецца ў раённым цэнтры тэхнічнай творчасці. Пачынаў з папяровых ракет, а цяпер ужо вырабляе ўнікальныя мадэлі. Прычым Максім кажа, што інтарэс да канструявання толькі ўзрастае. Ён удзельнічаў у двух этапах Кубка свету па ракетамадэльным спорце, што адбыліся ў Гродне і літоўскім горадзе Марыямпалі, па выніках якіх займае пятае месца ў свеце сярод юніёраў і дзясятае — сярод дарослых. Цяпер Максім і педагог цэнтра Яўген Чашчэвік, які вельмі ганарыцца дасягненнямі свайго выхаванца, працуюць над новай мадэллю, каб, як яны спадзяюцца, перамагчы на чарговых спаборніцтвах.
Барыс ПРАКОПЧЫК
prakopchik@zviazda.by
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
