Дапамогу па беспрацоўі плануецца павялічыць да ўзроўню бюджэту пражытачнага мінімуму (на сённяшні дзень БПМ у сярэднім на душу насельніцтва складае 1 567 810 руб.). А пачынаючы з 2017 года ў планах — страхаванне па беспрацоўі.
Як заявіў першы намеснік міністра працы і сацыяльнай абароны Андрэй Лабовіч, гэтыя новыя формы абароны беспрацоўных закладваюцца ў праекце праграмы садзейнічання занятасці на 2016-2020 гады. Дадзеныя меры прадугледжаны ў сувязі з тым, што з прычыны мадэрнізацыі, якая праводзіцца на прадпрыемствах, прагназуецца павелічэнне вызвалення дадатковай колькасці работнікаў.
Органы па працы, занятасці і сацыяльнай абароне, служба занятасці, акрамя дапамогі ў працаўладкаванні, прапануюць беспрацоўным праходжанне перанавучання. Зараз, па словах Андрэя Лабовіча, праводзіцца перанавучанне больш чым па 120 спецыяльнасцях, запатрабаваных на рынку працы.
Святлана Бусько
busko@zvіazda.by
Аб усіх тонкасцях працаўладкавання моладзі расказалі спецыялісты.
Сімвал яднання і незвычайны падарунак для Прэзідэнта.
«Калі людзі кажуць: „У мяне няма часу, каб займацца любімай справай“, мне хочацца запярэчыць, што хутчэй няма жадання».
