Вы тут

Самыя паспяховыя


Расіяне лічаць нашу краіну самым надзейным партнёрам Расіі і самай паспяховай дзяржавай у СНД. Пра гэта сведчаць вынікі сацыялагічнага даследавання Усерасійскага цэнтра вывучэння грамадскай думкі (УЦВГД), якія былі прадстаўлены ўчора на прэс-канферэнцыі ў Маскве.

Паводле апытання, у 2015 годзе 72% расіян назвалі найбольш паспяховай краінай СНД Беларусь. На другім месцы, на думку 50% удзельнікаў — Казахстан. Летась аналагічныя адказы далі адпаведна 66% і 45% рэспандэнтаў. Радзей называюцца іншыя дзяржавы постсавецкай прасторы. Украіна, пакінуўшы тройку лідараў у 2014 годзе, сёлета не змагла аднавіць сваіх пазіцый. З 2010-га па 2013 год амаль пятая частка расіян (ад 17% да 21%) называлі Украіну найбольш паспяховай, у 2014 годзе так адказалі толькі 2% рэспандэнтаў, сёлета — толькі 1%.

Кожны дзясяты расіянін адзначыў як найбольш паспяховыя такія краіны, як Арменія (11%) і Азербайджан (10%). 6% лічыць самай паспяховай Грузію, 4% — Кыргызстан, па 3% — Туркменістан і Узбекістан, па 1% апытаных назвалі Малдову і Таджыкістан.

Прэзідэнт Беларусі Аляксандр Лукашэнка ўзначальвае рэйтынг даверу расіян сярод кіраўнікоў краін СНД (63%). Прэзідэнту Казахстана Нурсултану Назарбаеву давярае 45% расіян, іншым кіраўнікам дзяржаў СНД выказала давер менш як дзясятая частка апытаных. Беларусь лідзіруе таксама і ў ацэнцы расіянамі ўзроўню забеспячэння правоў рускамоўнага насельніцтва — 69%.

Надзея АЛЕКСАНДРОВІЧ

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Стральцам на гэтым тыдні не трэба пераацэньваць сваіх магчымасцяў.

Гандаль

Кандытарскія вырабы — брэнд беларускай харчовай прамысловасці

Кандытарскія вырабы — брэнд беларускай харчовай прамысловасці

Напярэдадні Міжнароднага сімпозіума кандытараў эксперты расказалі аб планах і перспектывах кандытарскай галіны.

Сям'я і дэмаграфія

Святлана Клачкова: Чым больш дзяцей, тым больш любові

Святлана Клачкова: Чым больш дзяцей, тым больш любові

Як жа шматдзетная сям’я спраўляецца з хатнімі клопатамі?