Вы тут

Шахматная партыя: Беларусь і Расія


Прэзідэнт Аляксандр Лукашэнка знаходзіўся ў Маскве з двухдзённым афіцыйным візітам па запрашэнні расійскага Прэзідэнта Уладзіміра Пуціна. Сустрэча павінна была адбыцца яшчэ ў канцы лістапада, але была перанесена. Афіцыйная фармулёўка —
занятасць прэзідэнтаў. Сумнявацца ў гранічна жорсткім графіку дзяржаўных лідараў можа толькі той, хто ніколі не працаваў на дзяржаўнай службе, вышэйшай за сярэдні ўзровень. Бо ступень свабоды лідара адваротна прапарцыянальная колькасці тэлефонаў на яго працоўным стале.

16-37

За час, на які быў адкладзены прыезд, адбыліся візіты кіраўніка Беларусі ў В'етнам і Туркменістан. У Ашхабадзе Аляксандр Лукашэнка выступіў на міжнароднай канферэнцыі «Палітыка нейтралітэту: міжнароднае супрацоўніцтва ў імя міру, бяспекі і развіцця». Пазіцыя Прэзідэнта Беларусі відавочная: развіваць эканамічную інтэграцыю двух суб'ектаў сусветнай эканомікі пры захаванні «свабоды рук» у палітыцы. Адсюль вынікае ідэя ператварэння Мінска ў дыялогавую пляцоўку Усходу і Захаду, якая выглядае гладка на паперы, але хавае ў сабе мноства геапалітычных «яроў».

Вядома, ідэя нейтралітэту перспектыўная ва ўмовах глабальнай стабільнасці, зразумелых правілаў гульні. Але што рабіць тады, калі вы расстаўляеце фігуры для шахматнай партыі, а ваш заакіянскі партнёр гуляе нават не ў шашкі, а «навылёт у «Чапаева», у «пстрычкі»?

Свет мяняецца, і не ў лепшы бок. Гэты працэс набывае ўсё большую глыбіню і дынаміку, а разам з гэтым мяняецца і Еўропа. І Беларусі тут выпадае асаблівая роля. Сёння беларускі вопыт адміністравання ў складаных знешніх умовах, яе інтэлектуальныя і вытворчыя рэсурсы патрэбны не ва ўтапічных, а ў цалкам прагматычных праектах, якія адпавядаюць духу беларусаў як нацыі міралюбных працаўнікоў.

У шахматнай партыі, якую ў гэтыя дні раскладваюць на дваіх Прэзідэнты Расіі і Беларусі, фігуры абодвух гульцоў — на белым баку дошкі. Супраць іх — цёмная нявызначанасць сусветнай эканомікі і знешнепалітычныя рызыкі, невядомыя свету з ваенных часоў. І тым не менш я ўпэўнены ў сумеснай перамозе нашых Прэзідэнтаў. Бо мы на адным баку.

Мікалай МЯЖЭВІЧ, доктар эканамічных навук, прафесар кафедры еўрапейскіх даследаванняў факультэта міжнародных адносін Санкт-Пецярбургскага дзяржаўнага ўніверсітэта

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.