Вы тут

Грунтоўная размова ў Маскве


Прэзiдэнты Беларусi i Расii ўпэўнены ў яшчэ большым зблiжэннi нашых народаў.

Учора ў расiйскай сталiцы адбылiся шматгадзiнныя перагаворы прэзiдэнтаў Беларусi i Расii. Аляксандр Лукашэнка i Уладзiмiр Пуцiн абмеркавалi самае шырокае кола двухбаковага супрацоўнiцтва, перадае карэспандэнт БЕЛТА.

16-40

«Мы вельмi добра ведаем, чаго хоча Расiя ад Беларусi. Упэўнены, што Расiя абсалютна ведае, што трэба Беларусi ад Расii. Думаю, што вырашэнне тых праблем, якiя ў нас iснуюць, яшчэ больш зблiзiць нашы народы. Хоць, шчыра кажучы, мераць нас з вамi класiчнымi рамкамi ўзаемаадносiн з iншымi дзяржавамi неяк нават нязручна, таму што ў нас настолькi блiзкiя адносiны, што тут не падыходзяць гэтыя крытэрыi», — сказаў Аляксандр Лукашэнка.

Уладзiмiр Пуцiн, у сваю чаргу, адзначыў, што прэзiдэнтам дзвюх краiн ёсць аб чым пагаварыць. У Расii, паводле яго слоў, чакалi Аляксандра Лукашэнку з гэтым афiцыйным вiзiтам i рады, што, нягледзячы на бягучыя праблемы, ён адбыўся, што беларускi лiдар прыехаў для грунтоўнай размовы па ўсiм комплексе пытанняў двухбаковых адносiн.

Значная ўвага на перагаворах была ўдзелена развiццю iнтэграцыйных адносiн. «Эканамiчныя выклiкi, з якiмi мы сутыкаемся ў цяперашнi няпросты час, не павiнны весцi да раз'яднанасцi дзяржаў — удзельнiц дагавораў аб стварэннi Саюзнай дзяржавы i аб Еўразiйскiм эканамiчным саюзе», — падкрэслiў Прэзiдэнт Беларусi.

Ён заявiў, што ў беларускiх вытворцаў добрая рэпутацыя на рынку Расii. «Мы гатовы ўсямерна садзейнiчаць у задавальненнi патрэбнасцей расiйскага рынку па тых групах тавараў, якiя мы можам вырабляць канкурэнтна па цане i якасцi», — адзначыў Прэзiдэнт Беларусi. Ён нагадаў, што шэраг ключавых экспартных пазiцый Беларусi вырабляецца з расiйскiх камплектуючых, расiйскай сыравiны, гэта значыць з'яўляецца рэальным прадуктам беларуска-расiйскай кааперацыi.

Прэзiдэнты падрабязна абмеркавалi пытаннi роўнага доступу беларускiх тавараў на расiйскi рынак. «Мы атрымалi падтрымку Прэзiдэнта Расii ў гэтым плане», — праiнфармаваў Аляксандр Лукашэнка.

Беларусь рэалiзуе другую праграму iмпартазамяшчэння i набыла пэўны вопыт у гэтай сферы. Гаворачы аб аналагiчнай праграме ў Расii, Аляксандр Лукашэнка адзначыў, што гэта рух у абсалютна правiльным напрамку. «Вынiк будзе, i лiтаральна ў блiжэйшым будучым, — перакананы кiраўнiк беларускай дзяржавы. — Але гэта праграма нi ў якiм разе не павiнна пагаршаць магчымасцi i ўмовы дзеяння нашых сумесных прадпрыемстваў, тым больш паставак беларускiх тавараў i паслуг», — сказаў Аляксандр Лукашэнка. «Каб нашы тавары i паслугi не лiчылiся замежнымi, а былi практычна як расiйскiя», — дадаў ён. Прэзiдэнт Беларусi звярнуў увагу, што такiя роўныя магчымасцi i ўмовы паставак беларускiх тавараў i паслуг замацаваны двухбаковымi пагадненнямi i нормамi ЕАЭС.

Уладзiмiр Пуцiн адзначыў, што асаблiвая ўвага на перагаворах была ўдзелена развiццю гандлёва-эканамiчнага супрацоўнiцтва Беларусi i Расii. «У гэтым годзе з-за рэзкiх курсавых ваганняў на валютных рынках тавараабарот у доларавым вылiчэннi знiзiўся, а ў рублёвым, наадварот, узрос на 20,6 працэнта да 1,3 трлн расiйскiх рублёў, — канстатаваў ён. — На гэты вынiк мы выйшлi ў тым лiку дзякуючы таму, што расiйскiя i беларускiя кампанii ўсё больш актыўна разлiчваюцца ў нацыянальных валютах. Гэта прыкладна 86 працэнтаў ад агульнага тавараабароту».

Прэзiдэнт Расii нагадаў, што на дасягненне ўстойлiвага росту тавараабароту накiравана i рэалiзацыя зацверджанага ўрадамi дзвюх краiн плана мерапрыемстваў па стварэннi дадатковых умоў па развiццi гандлёва-эканамiчнага супрацоўнiцтва. «У лiку прыярытэтных задач — павышэнне канкурэнтаздольнасцi нашых прадпрыемстваў, нарошчванне прамысловай кааперацыi, правядзенне ўзгодненай палiтыкi ў сферы iмпартазамяшчэння, стымуляванне ўзаемных iнвестыцый», — сказаў Уладiзмiр Пуцiн.

Аляксандр Лукашэнка i Уладзiмiр Пуцiн задаволены характарам i вынiкамi ўзаемадзеяння Беларусi i Расii на мiжнароднай арэне. Адносiны мiнiстэрстваў замежных спраў дзвюх краiн маглi б служыць прыкладам для супрацоўнiцтва iншых ведамстваў, адзначыў у сувязi з гэтым Прэзiдэнт Беларусi.

Абмяркоўваючы мiжнародны парадак дня, прэзiдэнты таксама гаварылi аб Украiне, аб сiтуацыi на Блiзкiм Усходзе, аб iншых гарачых кропках планеты. «Беларусь па-суседску зацiкаўлена ў мiры на ўкраiнскай зямлi», — сказаў лiдар беларускай дзяржавы. Такой жа пазiцыi краiна прытрымлiваецца i наконт сiтуацыi на Блiзкiм Усходзе. «I разыходжанняў у нас з Прэзiдэнтам Расii абсалютна няма па гэтых праблемах», — дадаў кiраўнiк дзяржавы.

«Зямлю трасе ад мiжусобiц i ўзброеных канфлiктаў. Бежанцы вылiчваюцца ўжо мiльёнамi. Мiжнародны тэрарызм кiнуў выклiк усяму свету. Толькi за апошнi месяц мы сутыкнулiся з чарадой бесчалавечных, варварскiх дзеянняў тэрарыстаў, якiм няма i не можа быць апраўдання», — падкрэслiў Аляксандр Лукашэнка.

Не засталося нiводнага пытання, якое мела б патрэбу ў паглыбленай прапрацоўцы, сказаў беларускі лідар. Паводле яго слоў, ёсць некалькi пытанняў, якiя на працягу тыдня будуць дапрацаваны, i ўрады прымуць па iх рашэннi.

Прэзiдэнты Аляксандр Лукашэнка i Уладзiмiр Пуцiн падпісалі сумесную заяву, у якой, у прыватнасці, гаворыцца, што Беларусь i Расiя дамовiлiся скаардынаваць намаганнi ў Саюзнай дзяржаве i Еўразiйскiм эканамiчным саюзе па стварэннi дадатковых умоў для павелiчэння аб'ёмаў узаемнага гандлю i павышэння дзелавой актыўнасцi рэальнага сектара эканомiк дзвюх дзяржаў. Дабiвацца пастаўленай мэты бакi маюць намер у тым лiку шляхам правядзення ўзгодненай прамысловай i аграпрамысловай палiтыкi, развiцця iнвестыцыйнага i iнавацыйнага супрацоўнiцтва, рэалiзацыi сумесных кааперацыйных, а таксама iнфраструктурных праектаў, устаранення бар'ераў у двухбаковым гандлi, актывiзацыi мiжрэгiянальнага супрацоўнiцтва як адной з фундаментальных асноў двухбаковага ўзаемадзеяння.

Беларусь i Расiя прадоўжаць работу па забеспячэннi роўнасцi правоў грамадзян, iнтэнсiфiкуюць супрацоўнiцтва ў гуманiтарнай i культурнай сферах, прадоўжаць каардынацыю супрацоўнiцтва на мiжнароднай арэне. Краiны будуць прымаць актыўны ўдзел ва ўмацаваннi мiру i стабiльнасцi, у тым лiку ў прадухiленнi i мiрным урэгуляваннi мiжнародных канфлiктаў, постканфлiктным светабудаўнiцтве i процiдзеяннi такiм выклiкам i пагрозам, як мiжнародны тэрарызм, распаўсюджванне зброi масавага знiшчэння.

У заяве гаворыцца аб намеры пашыраць iдэю гарманiзацыi iнтэграцыйных працэсаў на захадзе i ўсходзе Еўразii ў мiжнародных арганiзацыях i шматбаковых форумах, а таксама з асноўнымi партнёрамi на Еўразiйскiм кантыненце, прадаўжаць работу па спалучэннi ЕАЭС i кiтайскай iнiцыятывы эканамiчнага пояса Шаўковага шляху з улiкам iнтарэсаў усiх бакоў працэсу.

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.