Удзельнікамі 15-х па ліку Гульняў стануць больш за 4 тысячы спартсменаў з 50 краін Еўропы, якія аспрэчаць медалі ў 10 відах спорту. У тым ліку ў гульнявых дысцыплінах — гандболе, баскетболе і валейболе.
Учора пад старшынствам віцэ-прэм'ера Наталлі Качанавай, якая з'яўляецца старшынёй аргкамітэта па правядзенні гэтага маштабнага мерапрыемства, абмяркоўваўся ход падрыхтоўкі да яго ў спартыўным, бытавым, культурным, адукацыйным і іншым аспектах — з тым, каб удзельнікі і госці пасля аднадушна сказалі: гэты фестываль — найлепшы.
«Спартыўныя мерапрыемствы будуць праводзіцца ў асноўным у Мінску, — сказала Наталля Качанава, — але будуць задзейнічаны і іншыя рэгіёны, таму што прыедуць маладыя хлопцы і дзяўчаты, якім па 14—17 гадоў, і ім, безумоўна, захочацца паглядзець нашу краіну. А нам трэба будзе паказаць усё тое адметнае, што ў нас ёсць. Так што над гэтым трэба будзе грунтоўна папрацаваць».
Як паведаміў «Звяздзе» Аляксандр Дубкоўскі, намеснік міністра спорту і турызму, спаборніцтвы прымуць асноўныя спартыўныя пляцоўкі сталіцы: «Мінск-Арэна» і «Чыжоўка-Арэна», футбольны манеж, Палац спорту і іншыя. У мерапрыемствах таксама плануюць задзейнічаць стадыён «Дынама», які цяпер знаходзіцца на рэканструкцыі.
Аляксандр Сяргеевіч адзначыў, што атрымаць права правесці падобныя статусныя старты было складана, але вопыт Беларусі ў арганізацыі буйных спаборніцтваў, наяўнасць сучасных спартыўных пляцовак і поспехі нашых спартсменаў станоўча паўплывалі на рашэнне генеральнай асамблеі Еўрапейскіх алімпійскіх камітэтаў.
Галоўныя спартыўныя спаборніцтвы юнацтва пройдуць у Мінску з 21 па 27 ліпеня 2019 года.
Якаў ЖУРБІН
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
