9 фактаў пра Бурдж-Халіфу

Па форме будынак, агульны кошт якога ацэньваецца ў 4,1 мільярда долараў, нагадвае сталагміт, які нібыта расце з зямлі ў неба.

1. Вышыня Бурдж-Халіфы складае 828 метраў, у той час як вышыня другога па велічыні будынка ў свеце (Шанхайскай вежы) складае 632 метры. Таксама хмарачос у тры разы вышэй за Эйфелеву вежу. Дызайн Бурдж-Халіфы быў натхнёны гіменакалісам — кветкай з доўгімі пялёсткамі, што разбягаюцца ад цэнтра. Тры крылы Бурдж-Халіфы разыходзяцца ў бакі, нібыта гэтыя пялёсткі.

2. Самая вышынная назіральная пляцоўка тут знаходзіцца на вышыні 452 метры. Усяго ў будынку 164 паверхі, 1 з якіх падземны, і цэлых 58 ліфтаў, што рухаюцца з хуткасцю 10 метраў у секунду (гэта адны з самых хуткіх ліфтаў у свеце). Таксама ў Бурдж-Халіфе ёсць 2957 парковачных месцаў, 304 гасцініцы і 904 кватэры.

3. Першапачатковая назва хмарачоса — Бурдж-Дубай; яго праект быў распрацаваны амерыканскай фірмай Skіdmore, Owіngs and Merrіll. Інжынеры з Чыкага стварылі спецыяльную апорную структуру, якая нагадвае зорку з трыма прамянямі.

4. Бурдж-Халіфа — рэкардсмен па некалькіх паказчыках вышыні. Гэта самы высокі ў свеце будынак, які свабодна стаіць, з самым высокім жылым паверхам, будынак з найбольшай колькасцю паверхаў, будынак, абсталяваны самымі вышыннымі ліфтамі і другой па вышыні назіральнай пляцоўкай (самая высока размешчаная назіральная пляцоўка знаходзіцца ў кантонскай тэлевежы).

5. Для таго, каб пабудаваць настолькі гіганцкі хмарачос, спатрэбілася сапраўды шмат часу і намаганняў, а менавіта 6 гадоў і 22 мільёны чалавека-гадзін працы. У асабліва напружаныя дні на будпляцоўцы знаходзілася больш за 12 000 рабочых!

6. Для будаўніцтва спатрэбілася таксама неверагодная колькасць матэрыялаў. Аднаго алюмінію пайшло столькі, што хапіла б на вытворчасць 5 аэробусаў А380. Таксама было выдаткавана 55 тысяч тон арматурнай сталі і 110 тысяч тон бетону. Уявіце: калі б можна было скласці арматуру з будынка ў шэраг, то ён працягнуўся б на чвэрць Зямлі.

7. У Дубаі вельмі спякотна: летам сярэдняя тэмпература тут складае 41 градус. Менавіта таму больш за 300 нанятых кітайскіх экспертаў распрацавалі спецыяльную сістэму абліцоўвання, здольную абараніць ад экстрэмальных перападаў тэмпературы.

8. Для забеспячэння жыццядзейнасці ў такім вялізным будынку патрабуецца ўражлівая колькасць рэсурсаў. Да прыкладу, Бурдж-Халіфа выкарыстоўвае каля 950 000 літраў вады кожны дзень! Акрамя таго, хмарачос спажывае прыкладна столькі электраэнергіі, колькі «з'ядаюць» 360 000 ставатных лямпачак.

9. Як падтрымліваюць бляск і чысціню 26 000 шкляных панэляў, каб тыя выглядалі ідэальна? За гэта адказваюць 12 машын, якія важаць каля 13 тон кожная — яны перамяшчаюцца ўздоўж спецыяльных рэек на вонкавым баку будынка. Абслугоўваюць гэтыя машыны 36 чалавек.