Вы тут

Робім цёплыя вязаныя тапачкі


Cпатрэбіцца: пража (80 м / 100 г) белага, чырвонага, шэрага і чорнага колераў — для дзіцячых і жаночых тапак па 2 маткі, для мужчынскіх — 3 маткі пражы асноўнага колеру, па 1 матку пражы для пампонаў; пруткі для вязання № 9; 1 камплект панчошных пруткоў № 9; 1 кручок для вязання № 9; па 1 шаблону для вырабу пампонаў дыяметрам 5 см і 8 см.

Памеры: 29 (дзіцячыя), 37 (жаночыя), 42 (мужчынскія).

Узоры. Правая гладзь: у кругавых радках вязаць толькі правыя петлі. Хустачная вязка: у правых і левых радах вязаць правыя петлі.

Шчыльнасць вязання: правая гладзь — 12 п. х 18 р. = 10 х 10 см; хустачная вязка — 12 п. х 20 р. = 10 х 10 см.

Тапкі пачынаюць вязаць з пяткі простымі радамі, затым працягваць кругавымі.

Мужчынскія тапкі: набраць 30 п. і вязаць 26 р. = 13 см хустачкай вязкай. У апошнім радзе з абодвух бакоў набраць па 1 п. = 32 п. Затым усе петлі раўнамерна размеркаваць на 4 панчошныя пруткі = 8 п. на кожную спіцу, замкнуць у кола і вязаць правай гладдзю. Праз 18 кругавых р. = 10 см пачаць вывязваць носік. Для гэтага апошнія 3 п. на 1-м і 3-м прутках вязаць наступным чынам: 2 п. правязаць разам правай., 1 п. правай. Першыя 3 п. на 2-м і 4-м прутках вязаць наступным чынам: 1 п. правая, 2 п. правязаць разам правай (= 1 п. зняць як правую, 1 п. правязаць правай, затым праз яе працягнуць знятую п.). Паўтараць у кожным кругавым радзе, пакуль не застанецца 8 п. Пакінутыя петлі сцягнуць рабочай ніткай, нітку замацаваць.

Жаночыя тапкі: набраць 26 п. і вязаць 20 р. = 10 см хустачнай вязкай. У апошнім р. з абодвух бакоў набраць па 1 п. = 28 п. Затым усе петлі раўнамерна размеркаваць на 4 панчошныя пруткі = 7 п. на кожную спіцу, замкнуць у кола і вязаць правай гладдзю. Праз 16 кругавых р. = 9 см пачаць вывязваць носік, як апісана для мужчынскіх тапак.

Дзіцячыя тапкі: набраць 20 п. і вязаць 18 р. = 9 см хустачнай вязкай. Затым усе петлі раўнамерна размеркаваць на 4 панчошныя пруткі = 5 п. на кожны пруток, замкнуць у кола і вязаць правай гладдзю. Праз 10 кругавых р. = 6 см пачаць вывязваць носік, як апісана для мужчынскіх тапак.

ЗБОРКА: на пятках выканаць швы. Верхнія краі абвязаць кручком (вывязаць па 1 радзе слупкоў без накіду злева направа). Зрабіць па 2 пампоны і прышыць іх на тапкі.

Загаловак у газеце: Цёплыя вязаныя тапачкі

Выбар рэдакцыі

Калейдаскоп

Усходні гараскоп на наступны тыдзень

Усходні гараскоп на наступны тыдзень

Шалям засталося прыкласці зусім няшмат намаганняў, каб жаданая мэта была дасягнута.

Грамадства

Камандзір вядзе за сабой

Камандзір вядзе за сабой

Пяцікурснік Полацкага дзяржаўнага ўніверсітэта імя Е. Полацкай быў удастоены ганаровага звання «Чалавек года Віцебшчыны — 2023».

Моладзь

Вераніка Цубікава: Натхняюся жаданнем дзяліцца

Вераніка Цубікава: Натхняюся жаданнем дзяліцца

Яе песні займаюць першыя радкі ў музычных чартах краіны, пастаянна гучаць на радыё і тэлебачанні.