Намінальна налічаная сярэдняя заработная плата беларусаў у мінулым месяцы склала 7,4 мільёна рублёў. Гэта на 675 тысяч больш (10 працэнтаў), чым у папярэднім месяцы.
Больш за ўсіх у снежні атрымлівалі мінчане — у сярэднім 10,5 мільёна. А вось заробак жыхароў Магілёўскай і Віцебскай абласцей (самыя нізкія паказчыкі па краіне) склаў 6,2 мільёна.
Каму сталі плаціць больш? На 20—30 працэнтаў, у параўнанні з лістападам, вырас заробак у хімічнай вытворчасці, сферы паветранага транспарту, страхаванні, навуковых даследаваннях і распрацоўках, у галіне кіно, на радыё і тэлебачанні. Амаль на 40 працэнтаў больш, чым раней, атрымлівалі фінансавыя пасярэднікі і спецыялісты, якія займаліся тапографа-геадэзічнай дзейнасцю.
Лідарамі рэйтынгу па аплаце працы застаюцца праграмісты. Іх сярэднестатыстычны даход у снежні раўняўся 30,8 мільёна. Добрымі заробкамі могуць пахваліцца ў хімічнай вытворчасці (16 мільёнаў рублёў). 14—15 мільёнаў у месяц прыносяць вакансіі ў галіне фінансаў і паветранага транспарту. Сярод спецыялістаў, што апынуліся ў нізе спісу, — сацыяльныя работнікі, сельскагаспадарчыя работнікі, што займаюцца раслінаводствам, майстры па рамонце бытавых вырабаў і прадметаў асабістага карыстання. Але і іх прыбыткі перавысілі 4 мільёны.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
