Вы тут

У БДУ ўкаранілі ўнікальныя інавацыйныя тэхналогіі адукацыі


На хімічным факультэце Белдзяржуніверсітэта ўкаранілі ўнікальныя для Беларусі інавацыйныя тэхналогіі адукацыі — лекцыйны падкастынг і відэалабараторныя работы. Гэта зусім новая мадэль арганізацыі навучальнага працэсу, якая дапаможа павысіць эфектыўнасць самастойнай пазааўдыторнай і аўдыторнай працы студэнтаў.


Інавацыйны падыход да правядзення заняткаў прадугледжвае стварэнне падкастаў — гукавых або відэафайлаў, якія транслююцца ў інтэрнэце. На хімічным факультэце выбраны фармат «аўдыё + слайд-шоу» і «аўдыё + відэа + слайд-шоу». Скарыстаная тэхналогія дазваляе пры жаданні прыбраць відэа і сканцэнтравацца толькі на слайдах з каментарыямі выкладчыка. У модулі ёсць навігацыя і пошук па словах. Напрыканцы кожнай лекцыі прысутнічае закладка «тэсціраванне», якая дазваляе студэнтам самастойна правяраць свае веды.

Падкасты — выдатны дадатак да традыцыйных лекцый, паколькі актыўна выкарыстоўваюцца пры падрыхтоўцы да семінарскіх заняткаў і экзаменаў. Перавагай метаду з'яўляецца магчымасць паўторнага праслухоўвання лекцый. Студэнт можа неабмежаваную колькасць разоў праглядаць матэрыялы цалкам або па частках у розны час і ў любым месцы. Таксама можна дыстанцыйна асвоіць тэму і пры неабходнасці вярнуцца да яе тлумачэння. Асабліва карысная сучасная тэхналогія для запісу лекцый запрошаных выкладчыкаў.

Інавацыі былі ўкаранёны і пры правядзенні лабараторных практыкумаў для будучых хімікаў. Створаны відэафільмы, у якіх паслядоўна дэманструецца выкананне лабараторных работ самімі студэнтамі. Пры гэтым наглядны матэрыял суправаджаецца аўдыятэкстам з падрабязным апісаннем дзеянняў, тэарэтычнымі палажэннямі і формуламі, неабходнымі для выканання працы..

— Нельга скідваць з рахункаў той факт, што цяперашняе пакаленне маладых людзей — гэта пакаленне інтэрнэту. Таму трэба змяніць ролю выкладчыка і стварыць умовы, якія дазволяць яму адмовіцца ад крэйды і дошкі і пачаць выкарыстоўваць электронныя прадукты, напрыклад створаныя на платформе Web 2.0, — дзеліцца сваім поглядам намеснік дэкана хімічнага факультэта БДУ Таццяна Савіцкая.

Распрацаваныя падкасты і відэалабараторныя работы даступныя на спецыялізаваных сайтах хімічнага факультэта Белдзяржуніверсітэта — «Інавацыйныя тэхналогіі ў адукацыі», «Зялёная хімія», а таксама на электронным партале ядзерных ведаў устаноў адукацыі Рэспублікі Беларусь (http://lar.іnpnet.net/el/belnet/).

nіkalaeva@zvіazda.by

Загаловак у газеце: Вучыцца... у любым зручным месцы

Выбар рэдакцыі

Эканоміка

У Мінску прадаецца больш за 10 тысяч кватэр

У Мінску прадаецца больш за 10 тысяч кватэр

На другасным рынку жыллё працягвае таннець (у глабальным плане без перапынкаў) ужо з верасня мінулага года.

Грамадства

Падмануць Альцгеймера. Як захаваць ясны розум да глыбокай старасці?

Падмануць Альцгеймера. Як захаваць ясны розум да глыбокай старасці?

Няўжо гэтую цяжкую хваробу так лёгка абвесці вакол пальца?

Калейдаскоп

Разбіраем модныя мастхэвы надыходзячага сезона: чым папоўніць гардэроб?

Разбіраем модныя мастхэвы надыходзячага сезона: чым папоўніць гардэроб?

Мода вясны — 2021 прапануе некалькі глабальных кірункаў: мінімалізм, унісекс і 1990-я.