Целы 17-гадовага юнака і 9-гадовай дзяўчынкі знойдзены з прыкметамі гвалтоўнай смерці ў прыгарадзе Мазыра. Упраўленнем Следчага камітэта па Гомельскай вобласці заведзена крымінальная справа па факце забойства дваіх дзяцей.
Як расказала афіцыйны прадстаўнік УСК па Гомельскай вобласці Марыя Крываногава, 31 студзеня ў дзяжурную часць Мазырскага райаддзела ўнутраных спраў паступіў тэлефонны званок ад 38-гадовага мясцовага жыхара. Мужчына паведаміў, што забіў сваіх дзяцей.
Пры аглядзе кватэры следчыя знайшлі целы забітых брата і сястры. Іх бацька пасля званка ў міліцыю здзейсніў спробу суіцыду: выскачыў з балкона. Ён застаўся жывы і з пашкоджаннямі рознай ступені цяжкасці дастаўлены ў рэанімацыю мясцовай бальніцы. Цяпер следчымі па крымінальнай справе дапытваюцца сведкі, прызначаны шэраг экспертыз.
Па неафіцыйнай інфармацыі, мужчына, які быў аформлены як прадпрымальнік, у момант трагедыі знаходзіўся ў нецвярозым стане. Гавораць, што ў сям'і былі складаныя адносіны паміж сужэнцамі.
Афіцыйныя падрабязнасці трагедыі пакуль не агучваюцца ў інтарэсах следства.
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.