Вы тут

Сярэдняя тэмпература прагназуецца на 9-10 градусаў вышэй за норму


У першай палове тыдня на тэрыторыі Беларусі чакаецца даволі цёплае, але вільготнае і ветранае надвор'е, паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.


Увогуле, сёлета люты больш нагадвае надвор'е другой паловы сакавіка. Пачнецца з цёплага надвор'я. У першыя дні месяца актыўныя цыклоны працягнуць пастаўляць у нашу краіну сагрэтае Гальфстрымам акіянічнае паветра. Менавіта таму ў Беларусі і надалей будзе анамальна цёпла, калі сярэдняя тэмпература чакаецца на 9-10 градусаў вышэй за норму. А норма ў першай дэкадзе лютага складае ад мінус 4 да мінус 8,5 градуса.

Але такая цеплыня ў лютым, гэта не заўсёды камфортна, лічыць Дзмітрый Рабаў. У першую палову тыдня чакаецца даволі ветранае надвор'е, а спецыялістамі аб'яўлена штармавое папярэджанне. У аўторак часам пройдуць ападкі ў выглядзе мокрага снегу і дажджу. На асобных участках дарог захаваецца галалёдзіца. На большай частцы тэрыторыі чакаецца ўзмацненне ветру парывамі да 15—20 м/с. Тэмпература паветра ўдзень будзе 3—8 цяпла, а па паўднёвым захадзе — да плюс 10 градусаў.

Мокры снег і дождж чакаецца амаль паўсюдна і ў сераду. Уначы на дарогах захаваецца галалёдзіца. Тады ўвогуле стане штарміць, бо чакаецца ўзмацненне ветру парывамі да 15—22 м/с. Тэмпература паветра на працягу сутак складзе плюс 1—6 градусаў, а ўдзень па паўднёвым усходзе — да 8 цяпла.

Прыкладна з чацвярга чакаецца ўжо больш спакойнае надвор'е. Так, 4 лютага часам пройдуць невялікія ападкі, у асноўным мокры снег. Уначы і раніцай у некаторых раёнах чакаецца слабы галалёд, на дарогах — галалёдзіца. Прагназуецца ўзмацненне ветру парывамі да 15—18 м/с. Тэмпература паветра ўначы складзе ад мінус 3 да плюс 3 градусаў, а ўдзень будзе ад нуля да 5 цяпла.

Паводле папярэдніх прагнозаў айчынных спецыялістаў, у пятніцу таксама чакаюцца невялікі дождж і мокры снег. Месцамі прагназуецца туман, на дарогах захаваецца галалёдзіца. Тэмпература паветра ўначы складзе ад мінус 4 да плюс 2 градусаў, а ўдзень будзе ад мінус 1 градуса да 4 цяпла. Даволі цёплае надвор'е прагназуецца і на выхадныя.

kurkасh@zvіаzdа.bу

Загаловак у газеце: Анамальная цеплыня Гальфстрыма

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.